മക്കളെ കൊന്നതിനു ശേഷം കെട്ടിടത്തിനു മുകളില്‍ നിന്ന് ചാടി ആത്മഹത്യ ചെയ്ത് യുവതി. എട്ടും രണ്ടും വയസ്സ് മാത്രം പ്രായമുള്ള കുട്ടികളെ പൊലീസെത്തിയാണ് വീടിനുള്ളില്‍ മരിച്ച നിലയില്‍ കണ്ടെത്തിയത്. ഭര്‍ത്താവ് തന്നെ ഗാര്‍ഹിക പീഡനത്തിന് ഇരയാക്കിയെന്നും അതുകൊണ്ടാണ് തനിക്ക് ഇങ്ങനെയൊരു തീരുമാനത്തിലേക്ക് എത്തേണ്ടി വന്നതെന്നും ആത്മഹത്യാക്കുറിപ്പില്‍ യുവതി എഴുതിട്ടുണ്ടെന്ന് പൊലീസ് പറഞ്ഞു.
ഭര്‍ത്താവിന് ഒരു വിഡിയോ എടുത്ത് അയച്ച ശേഷമാണ് യുവതി ആത്മഹത്യ ചെയ്തത്. മുപ്പതുകാരിയായ അശ്വനി നികുംഭ് എന്ന യുവതിയാണ് മക്കളെ കൊന്ന് സ്വയം ജീവനൊടുക്കിയതെന്ന് പൊലീസ് വ്യക്തമാക്കി. മഹാരാഷ്ട്രയിലെ നാസിക് സിറ്റിയിലാണ് സംഭവം. കൊനാര്‍ക് നഗറിലുള്ള ഹരി വന്ദന്‍ എന്ന അപ്പാര്‍ട്ട്മെന്‍റിന്‍റെ ടെറസില്‍ നിന്നാണ് യുവതി ചാടിയത്. സമീപവാസികള്‍ വിവരം അറിയിച്ചതിനെ തുടര്‍ന്ന് പൊലീസെത്തിയപ്പോഴാണ് കുട്ടികളെയും മരിച്ച നിലയില്‍ കണ്ടെത്തിയത്.
സംഭവം നടക്കുമ്പോള്‍ യുവതിയുടെ ഭര്‍ത്താവ് സ്വപ്‌നില്‍ ജോലി സംബന്ധമായ ആവശ്യത്തിന് പൂനെയിലായിരുന്നു. ഇയാള്‍ക്കും ബന്ധുക്കള്‍ക്കും തന്‍റെ മരണ കാരണത്തെക്കുറിച്ച് വിഡിയോ എടുത്ത് അയച്ചശേഷമാണ് യുവതി ആത്മഹത്യ ചെയ്തത്. തന്‍റെയും മക്കളുടെയും മരണത്തിന്‍റെ പൂര്‍ണ ഉത്തരവാദിത്വം ഭര്‍ത്താവിനു മാത്രമാണെന്നാണ് യുവതി വിഡിയോയില്‍ പറഞ്ഞിരിക്കുന്നത്.
Woman jumps to death from building; Her 2 kids found dead in home.