റഫാൽ പോർവിമാനങ്ങൾ ഇന്ത്യൻ സൈന്യത്തിന്റെ ഭാഗമായതോടെ പാക്കിസ്ഥാനും ചൈനയും നടത്തിയ പ്രതികരണങ്ങൾ ലോകശ്രദ്ധ നേടുകയാണ്.ഇന്ത്യയുടെ നീക്കത്തില്‍ ആശങ്കയുണ്ടെന്നാണ് പാക്കിസ്ഥാന്റെ ആദ്യ പ്രതികരണം. ഫ്രാൻസിൽ നിന്നെത്തിയ റഫാൽ ഏഷ്യയിലെ സമാധാനം ഇല്ലാതാക്കുമെന്നും ഇക്കാര്യത്തിൽ ലോകരാജ്യങ്ങളുടെ സഹായം വേണമെന്നും പാക്കിസ്ഥാൻ ആവശ്യപ്പെട്ടിട്ടുണ്ട്.
ഇന്ത്യ കൂടുതൽ ആയുധങ്ങൾ വാങ്ങികൂട്ടുന്നതായി പാക്ക് വിദേശകാര്യ മന്ത്രാലയ വക്താവ് ഐഷ ഫാറൂഖി ആരോപിച്ചു.
എന്നാൽ 1997 ൽ റഷ്യയിൽ നിന്ന് സുഖോയ് സു -30 ജെറ്റുകൾ ഇറക്കുമതി ചെയ്തതിന് ശേഷം 23 വർഷത്തിനു ശേഷമാണ് ഇന്ത്യ പുറത്തുനിന്നു യുദ്ധവിമാനങ്ങൾ വാങ്ങുന്നത്. റഫാൽ പോർവിമാനങ്ങൾ ഇന്ത്യയിൽ എത്തിയപ്പോൾ പ്രതിരോധമന്ത്രി രാജ്‌നാഥ് സിങ് നടത്തിയ പരാമർശങ്ങളും ചൈന ശ്രദ്ധിച്ചു. ഇന്ത്യയുടെ പ്രാദേശിക സമഗ്രതയെ ഭീഷണിപ്പെടുത്താൻ ലക്ഷ്യമിടുന്ന സേനകൾ ഇപ്പോൾ ശ്രദ്ധിക്കേണ്ടതുണ്ടെന്ന് പ്രതിരോധ മന്ത്രി സിങ് പറഞ്ഞിരുന്നു.
‘ഇന്ത്യയിലെ പ്രസക്തമായ വ്യക്തികളുടെ പരാമർശങ്ങൾ പ്രാദേശിക സമാധാനത്തിനും സ്ഥിരതയ്ക്കും ഗുണം ചെയ്യുമെന്ന് ഞങ്ങൾ പ്രതീക്ഷിക്കുന്നു.’ എന്നാണ് ചൈനീസ് വിദേശകാര്യ മന്ത്രാലയം വക്താവ് വാങ് വെൻബിൻ പറഞ്ഞത്.
