കനത്ത മഴയെത്തുടര്ന്ന് അസമിലെ പല ഭാഗങ്ങളും വെള്ളത്തിനടിയില് ആയിരിക്കുകയാണ്. ജനവാസകേന്ദ്രങ്ങള് മാത്രമല്ല, കാസിരംഗ നാഷണല് പാര്ക്കും വെള്ളത്തിനടിയില് ആയിരിക്കുകയാണ്. മൃഗങ്ങളും ഇവിടെ ദുരിതമനുഭവിക്കുകയാണ്.
കാസിരംഗ ദേശീയപാര്ക്കില് നിന്നും രക്ഷപെട്ട ഒരു കടുവയുടെ ചിത്രങ്ങളാണ് ഇപ്പോള് വൈറലാകുന്നത്. വെള്ളപ്പൊക്കത്തില് രക്ഷപെട്ട കടുവ അഭയം തേടിയെത്തിയത് ഒരു വീട്ടിലെ കിടപ്പുമുറിയിലാണ്. വൈല്ഡ് ലൈഫ് ട്രസ്റ്റാണ് ചിത്രം ആദ്യം പുറത്തുവിട്ടത്.
വീട്ടുകാര്ക്ക് ഇപ്പോള് പരിചിതമാണ് ഈ കടുവയുടെ മുഖം. വനപാലകരെ വിവരമറിയിച്ചതിനെ തുടര്ന്ന് കടുവയെ തിരിച്ച്കൊണ്ടുപോകാനുള്ള ശ്രമങ്ങള് നടന്നുവരികയാണ്.