പ്രംസംഗത്തിനും വാക്ചാതുരിക്കും പുറമേ അനുകരണകലയിലെ രാഹുല്‍ ഗാന്ധിയുടെ മിടുക്കാണ് ഇപ്പോൾ ചർച്ചയാകുന്നതും കയ്യടി നേടുന്നതും. അനുകരിച്ചത് മറ്റാരെയുമല്ല, പ്രധാനമന്ത്രി മോദിയെത്തന്നെ.
ആദ്യം 5 വര്‍ഷം മുൻപ് മോദി ഇങ്ങനെ നിന്നുകൊണ്ടാണ് അഭിമുഖം നൽകിയിരുന്നത് എന്നു പറഞ്ഞുകൊണ്ട് ഒരു മുഖത്ത് പ്രത്യേക ഭാവം, തുടർന്ന് നെഞ്ചുി വിരിച്ചുപിടിച്ചു കൊണ്ട് അന്ന് അഴിമതി തുടച്ചു നീക്കുമെന്നാണ് പറഞ്ഞതെന്ന് പരിഹാസം.
എന്നാൽ ഇപ്പോൾ ഇങ്ങനെയാണ് മോദിയുടെ നിൽപ് എന്നു പറഞ്ഞുകൊണ്ട് അനുകരണം തുടർന്നു. ഇത്തവണ നിൽക്കുന്നത് മുതുകൽപം താഴ്ത്തി, താഴോട്ടു നോക്കി. കോൺഗ്രസിനെ തുരത്തൂ എന്ന് ഡയലോഗും.
ബഡ്ജറ്റ് പ്രഖ്യാപനങ്ങളെയും രാഹുൽ ഗാന്ധി നിശിതമായി വിമര്‍ശിച്ചു. ''ബഡ്ജറ്റ് പ്രസംഗത്തിൻറെ സമയത്ത് ബിജെപി എംപിമാർ കയ്യടിക്കുന്നതു കേട്ടു, പിന്നെയാണ് മനസിലായത്, കർഷകർക്കായി മോദി 17 രൂപ വീതം നൽകാൻ നൽകാൻ തീരുമാനിച്ചെന്ന്, ഒരു ദിവസത്തെ ജോലിക്ക് 17 രൂപ കൂലി'', രാഹുൽ ഗാന്ധി പരിഹസിച്ചു.
