എഴുതിയത് തെറ്റിച്ചു; ഒന്നാംക്ലാസുകാരന്റെ കണ്ണ് കുത്തിപ്പൊട്ടിച്ച് അധ്യാപകൻ

teacher
പ്രതീകാത്മക ചിത്രം
SHARE

എഴുതിയത് തെറ്റിച്ചതിന് ശിക്ഷയായി വിദ്യാർഥിയുടെ കണ്ണ് കുത്തിപ്പൊട്ടിച്ച് അധ്യാപകൻ. ഉത്തർപ്രദേശിലാണ് സംഭവം. ക്ലാസിൽ വച്ച്  പഠനഭാഗങ്ങൾ എഴുതിയതിൽ തെറ്റ് വരുത്തിയതിനാണ് ക്രൂരമായി ശിക്ഷിച്ചത്. മുഖത്ത് അടിക്കുകയും പേന കൊണ്ട് കണ്ണിൽ കുത്തുകയുമാണ് ചെയ്തത്. പിന്നീട് ലവ്കുഷ് എന്ന കിന്റർഗാർട്ടൻ വിദ്യാർത്ഥിയുടെയാണ് ഒരു കണ്ണ് കുത്തിപ്പൊട്ടിച്ചത്. കുട്ടിയുടെ കണ്ണിന്റെ കാഴ്ച നഷ്ടപ്പെട്ടുവെന്നാണ് ഡോക്ടർമാർ പറയുന്നത്. 

ലക്നൗവിലെ ഷാജഹാൻപൂറിലുള്ള ഊർമിള ദേവി ഹയർ സെക്കന്ററി സ്കൂളിലാണ് സംഭവം. കുട്ടിയുടെ കാഴ്ച നഷ്ടപ്പെടുമെന്ന് അറിഞ്ഞ അധ്യാപകനും സ്കൂൾ പ്രിൻസിപ്പലും ചികിൽസയ്ക്ക് വേണ്ട പണം നൽകാമെന്ന വാഗ്ദാനവുമായി രംഗത്തെത്തി.  എന്നാൽ ഒരു ലക്ഷത്തോളം രൂപ ബിൽ തുക കണ്ട അവർ ആശുപത്രിയിൽ നിന്നും സ്ഥലം വിട്ടു.  കുട്ടിയുടെ പിതാവ് ഇവർക്കെതിരെ കേസ് കൊടുക്കുകയും ഉടൻ അറസ്റ്റ് ചെയ്യണമെന്ന് ആവശ്യപ്പെടുകയും ചെയ്തു.

ജൂലൈ 25-നാണ് സംഭവം നടക്കുന്നത്. അധ്യാപകനെതിരെ കേസ് രജിസ്റ്റർ ചെയ്തിട്ടുണ്ടെന്നും ഉടൻ തന്നെ പിടികൂടുമെന്നുമാണ് പൊലീസ് വ്യക്തമാക്കുന്നത്.

MORE IN INDIA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.