അബുദാബിയിൽ സംഗീതവിരുന്ന്; കാഴ്ചയുടെ പരിമിതികളെ മറികടന്ന് ഇന്ത്യൻ കലാകാരൻമാർ

abudabiblindsingers
SHARE

അബുദാബിയിൽ, കാഴ്ചയുടെ പരിമിതികളെ മറികടന്നു സംഗീതപരിപാടിയുമായി ഇന്ത്യയിൽ നിന്നെത്തിയ കലാകാരൻമാർ. ദീപാവലി ആഘോഷത്തിൻറെ ഭാഗമായാണ് അന്ധരായ പതിനഞ്ചു കലാകാരൻമാർ പ്രവാസലോകത്തു സംഗീതവിരുന്നൊരുക്കിയത്.

അന്ധതയുടെ ഇരുട്ടിനെ സംഗീതത്തിൻറെ പ്രകാശം കൊണ്ടു തോൽപ്പിച്ചായിരുന്നു അബുദാബിയിലെ ദീപാവലി ആഘോഷം. ബോളിവുഡ് സിനിമാ ഗാനങ്ങൾ കോർത്തിണക്കിയ മൂന്നു മണിക്കൂർ നീണ്ട സംഗീത വിരുന്ന് അവതരിപ്പിച്ചവരെല്ലാം കാഴ്ചയുടെ പരിമിതികളുള്ളവർ. 

കലാകാരന്മാരുടെ ഉന്നമനത്തിനായി  പ്രവർത്തിക്കുന്ന നാഷണൽ ഓർഗനൈസെഷൻ ഓഫ് ഡിസേബിൽസിലെ സംഗീതസംഘം അകക്കണ്ണിൻറെ വെളിച്ചത്തിൽ സംഗീതവിസ്മയം തീർത്തു. ഇൻസ്റ്റിട്യൂട്ട് ഓഫ് ചാർട്ടേഡ് അക്കൌണ്ട്സ് ഓഫ് ഇന്ത്യ അബുദാബി ചാപ്റ്റർ സംഘടിപ്പിച്ച പത്താമത് ദീപാവലി ആഘോഷത്തിൽ പങ്കെടുക്കാനായാണ് കലാകാരൻമാർ കടൽകടന്നു ഇവിടെയെത്തിയത്. 

ഇന്ത്യൻ എംബസ്സി ഡെപ്യുട്ടി ചീഫ് ഓഫ് മിഷൻ സ്മിത പന്ത് മുഖ്യാതിഥി ആയിരുന്നു. ഇന്ത്യക്കാരടക്കം ആയിരക്കണക്കിനു പ്രവാസികളാണ് പരിപാടി കാണാനെത്തിയത്.

MORE IN GULF
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...