മഴയിൽ വലഞ്ഞ് യുഎഇ; കുത്തിയൊലിക്കുന്ന വെള്ളത്തിൽ സാഹസികരക്ഷാദൗത്യം; വിഡിയോ

rasalkhaima-police-20-03
SHARE

കഴിഞ്ഞ ദിവസം റാസൽഖൈമയിലുണ്ടായ കനത്ത മഴയിൽ ജീവൻ പണയം വെച്ച് രക്ഷാപ്രവര്‍ത്തനം നടത്തിയ പൊലീസുദ്യോഗസ്ഥന് അഭിനന്ദനപ്രവാഹം. റാസൽഖൈമ ഭരണാധികാരിയും സുപ്രീം കൗൺസിൽ അംഗവുമായ ഷെയ്ഖ് സൗദ് ബിന്‍ സാഖ്വർ അൽ ഖാസിമി ഉൾപ്പെടെയുള്ളവർ റാക് പൊലീസ് ഉദ്യോസ്ഥൻ സലീം ഹുസൈൻ അൽ ഹുതിയെ അഭിനന്ദിച്ച് രംഗത്തെത്തി. 

കഴിഞ്ഞ ഒരാഴ്ചയായി പെയ്ത കനത്ത മഴ യുഎഇയിലെ ജനങ്ങളെ ദുരിതത്തിലാക്കിയിരുന്നു. മഴയിൽ കുടുങ്ങിപ്പോയ വാഹനയാത്രക്കാരെയും പൗരൻമാരെയും രക്ഷപെടുത്താൻ പൊലീസ് സജീവമായി രംഗത്തുണ്ടായിരുന്നു.  വെള്ളക്കെട്ടില്‍ കാറിൽ അകപ്പെട്ട ഒരു കുടുംബത്തെ ഒരു പൊലീസ് ഉദ്യോഗസ്ഥൻ രക്ഷിക്കുന്ന വിഡിയോ സമൂഹമാധ്യമങ്ങളിൽ പ്രചരിച്ചിരുന്നു. കുത്തിയൊലിച്ചു വരുന്ന വെള്ളത്തിൽ വളരെ ബുദ്ധിമുട്ടിയാണ് പൊലീസുദ്യോഗസ്ഥൻ രക്ഷാപ്രവര്‍ത്തനം നടത്തുന്നത്. 

ഒരു കുടുംബത്തിലെ എട്ടുപേർ ഉൾപ്പെടുന്ന സംഘം സഞ്ചരിച്ച വാഹനം വെള്ളക്കെട്ടിൽ കുടുങ്ങുകയായിരുന്നു. ഇതുവഴി കടന്നു പോയ റാക് പൊലീസ് രക്ഷക്കെത്തുകയായിരുന്നു. യുവ പൊലീസ് ഉദ്യോഗസ്ഥനായ സലീം ഹുസൈൻ അൽ ഹുതിയാണ് രക്ഷകനായെത്തിയത്.   നിരവധി ആളുകൾ ഉദ്യോഗസ്ഥനെ അഭിനന്ദിച്ച് രംഗത്തെത്തുകയും ചെയ്തു.  റാസൽഖൈമ ഭരണാധികാരിയും ഉദ്യോസ്ഥനെ പ്രശംസിച്ചു. 

View this post on Instagram

. فخور برجال شرطة رأس الخيمة على جهودهم في توفير الأمن والأمان لكافة أفراد المجتمع وسعيهم الدائم لمد يد المساعدة والعون لكل محتاج وفي كل المواقف. شهدنا قبل أيام موقفاً بطولياً من ابننا سالم حسين الهوتي من شرطة رأس الخيمة تجلت فيه أسمى معاني التضحية والشجاعة عندما خاطر بحياته لإنقاذ ثمانية أشخاص علقوا في مجرى وادي البيح حيث لم يتوانى في النزول إلى المياه الجارية لمساعدتهم برفقة زملائه وإيصالهم لبر الأمان. تحية تقدير واحترام لكل رجال الشرطة المخلصين ووقفة احترام وفخر لسالم الهوتي. I have great pride in the officers of Ras Al Khaimah Police for their ceaseless efforts to maintain a safe and secure community for everyone and for their commitment to assisting the needy in every situation. This week we witnessed an act of heroism from our son Salem Hussain Al Huti, of Ras Al Khaimah Police, who showed great courage when he risked his life to save eight people trapped in their vehicles in Wadi Bih. He did not hesitate to venture into fast-running water to help them and, with the assistance of his colleagues, deliver them to safety. Tributes and respect to all the loyal policemen involved in the rescue effort and, in particular, Salem Hussain Al Huti.

A post shared by Saud Bin Saqr Al Qasimi (@sbsalqasimi) on

കുറിപ്പ്: ‘ഏതു സാഹചര്യത്തിലും ജനങ്ങളുടെ സുരക്ഷയ്ക്കും സഹായത്തിനും അവരെ സഹായിക്കാൻ റാസൽ ഖൈമ പൊലീസ് ഉദ്യോഗസ്ഥർ ഉണ്ടെന്നത് എനിക്ക് വളരെ അഭിമാനം നൽകുന്ന കാര്യമാണ്. ഈ ആഴ്ച നമ്മൾ കണ്ടൊരു ധീരകൃത്യം റാസൽഖൈമ പൊലീസിലെ നമ്മുടെ സലീം ഹുസൈൻ അൽ ഹുതിയുടേതാണ്. സ്വന്തം ജീവൻ പോലും പണയം വച്ച് ഏറെ ധൈര്യത്തോടെ അദ്ദേഹം വാഹനത്തിൽ കുടുങ്ങിയ എട്ടു പേരെ രക്ഷിച്ചു. സഹപ്രവർത്തകരുടെ സഹായത്തോടെ കുത്തിയൊലിക്കുന്ന വെള്ളത്തിൽ നിന്നും അവരെ രക്ഷിക്കാൻ ആ ഉദ്യോഗസ്ഥന് സാധിച്ചു. ഇതിൽ പങ്കാളികളായ എല്ലാ പൊലീസ് ഉദ്യോഗസ്ഥരോടും ഞാൻ എന്റെ നന്ദിയും ബഹുമാനവും അറിയിക്കുന്നു. പ്രത്യേകിച്ച് സലീം ഹുസൈൻ അൽ ഹുതിയോട്’.

MORE IN GULF
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.