കുവൈത്ത് വിമാനടിക്കറ്റ് നിരക്കിൽ വൻ വർധന

kuwait-ticket
SHARE

കുവൈത്തിൽ ബലിപെരുന്നാൾ അവധി പ്രഖ്യാപിച്ചതോടെ വിമാനടിക്കറ്റ് നിരക്കിൽ വൻ വർധന. പല വിമാനങ്ങളിലും ലോവർ ക്ളാസ് ടിക്കറ്റുകൾ കിട്ടാനില്ല. ഓണവും ബലിപെരുന്നാളും ആഘോഷിക്കാനൊരുങ്ങുന്ന പ്രവാസികൾക്ക് തിരിച്ചടിയാണ് വിലവർധന. 

ഒൻപത് ദിവസത്തെ ബലിപെരുന്നാൾ അവധി നാട്ടിൽ പോയി ആഘോഷിക്കാമെന്നു കരുതിയാൽ പോക്കറ്റ് കാലിയാകുന്ന അവസ്ഥയിലാണ് കുവൈത്തിലെ പ്രവാസി മലയാളികൾ. 19മുതൽ 23വരെയാണ് പെരുന്നാൾ പൊതു അവധി. അവധിതുടങ്ങുന്ന ദിവസങ്ങളിൽ എയർ ഇന്ത്യ എക്സ്പ്രസിന് കേരളത്തിലേക്കുള്ള ടിക്കറ്റ് നിരക്ക് 100 ദിനാറിൽ കൂടുതലാണ്. മറ്റുവിമാനങ്ങളിലാണെങ്കിൽ ലോവർ ക്ലാസ് ടിക്കറ്റ് ലഭിക്കാനുമില്ല. മറ്റ് ടിക്കറ്റുകൾക്കാകട്ടെ സാധാരണയേക്കാൾ മൂന്നും നാലും ഇരട്ടിയാണ് നിരക്ക്. 

ഇക്കോണമിയിലെ ലോവർ ക്ലാസ് ടിക്കറ്റ് സീസൺ സമയങ്ങളിൽ കിട്ടാക്കനിയായതായാണ് പ്രവാസികളുടെ പരാതി. കുവൈത്തിൽ നിന്നും തിരുവനന്തപുരത്തേക്കുള്ള ടിക്കറ്റ് നിരക്ക് ശരാശരി പതിനായിരം രൂപയായിരുന്നുവെങ്കിൽ അവധിക്കാലത്തെ നിരക്ക് ഇരുപതിനായിരത്തിനും മുകളിലാണ്. ടിക്കറ്റ് നിരക്ക് ഇനിയും വർധിക്കുമെന്നാണ് ട്രാവൽ ഏജൻസികൾ വ്യക്തമാക്കുന്നത്.

MORE IN GULF
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.