ലോകമെമ്പാടും നിരവധി ആരാധകരെ നേടിയ നെറ്റ്ഫ്ളിക്സ് സീരീസ് ആണ് മണി ഹെയ്സ്റ്റ്. മലയാളികൾക്കിടയിലും സീരീസ് തരംഗമായി മാറിയിരുന്നു. പ്രൊഫസർ അടക്കമുള്ള മണി ഹെയ്സ്റ്റ് താരങ്ങൾ കേരളത്തിലും പ്രിയങ്കരരാണ്. സീരീസിന്റെ അഞ്ചാം ഭാഗത്തിനായുള്ള കാത്തിരിപ്പിലാണ് ആരാധകർ. സെപ്റ്റംബറിലാണ് അഞ്ചാം ഭാഗമെത്തുക. ഇതിനിടെ, മണി ഹെയ്സ്റ്റിൽ മലയാളി താരങ്ങൾ അഭിനയിച്ചാൽ ആരൊക്കെയാകും കഥാപാത്രങ്ങൾ എന്നു ഭാവനയിൽ കണ്ടുള്ള വിഡിയോയും വൈറലാകുകയാണ്.
പ്രഫസറായി പൃഥ്വിരാജിനെയും പലെർമോ ആയി ഫഹദ് ഫാസിലിനെയും റാക്വേൽ ആയി മഞ്ജു വാര്യരെയും ഡെൻവർ ആയി ആസിഫ് അലിയെയുമാണ് വിഡിയോയിൽ കാണിക്കുന്നത്. ടോക്യോ ആയി രജീഷ വിജയൻ, റിയോ ആയി ഷെയ്ൻ നിഗം, ജൂലിയ ആയി സംയുക്ത, സ്റ്റോക്ഹോം ആയി മംമ്ത മോഹൻദാസ്, ഹെൽസിങ്കി ആയി ബാബുരാജ്, ബൊഗോട്ടി ആയി ജോജു, മാർസെല്ല ആയി ചെമ്പൻ വിനോദിനെയുമാണ് അവതരിപ്പിച്ചിരിക്കുന്നത്.
വിഡിയോ കാണാം:
