തൃശൂര് പൂരം ആണുങ്ങളുടേത് മാത്രമെന്ന് നടി റിമ കല്ലിങ്കല്. ആണുങ്ങള് മാത്രം പൂരത്തിന് പോയിട്ട് എന്താ കാര്യമെന്നും റിമ ചോദിക്കുന്നു. ഏഷ്യാവില് മലയാളത്തിന് നല്കിയ അഭിമുഖത്തിലാണ് റിമ പൂരത്തെക്കുറിച്ച് മനസ്സുതുറന്നത്.
''ഞാനെപ്പോഴും പറയാറുണ്ട്, തൃശൂര് പൂരം ആണുങ്ങളുടെ മാത്രം പൂരമാണ്. വലിയ കഷ്ടമാണത്. വിദേശത്തൊക്കെ വലിയ ആഘോഷങ്ങള് നടക്കുമ്പോള് അവിടെ ആണുങ്ങള് മാത്രമല്ലല്ലോ വരുന്നത്? ആണുങ്ങളും പെണ്ണുങ്ങളും വരുന്നില്ലേ''-റിമ ചോദിക്കുന്നു.
''നമുക്കിവിടെ തുടങ്ങാം. ഒരു പ്രശ്നമുണ്ട്. തിരക്കായിരിക്കുമല്ലോ പോകണ്ട എന്ന പേടിയുമുണ്ടാകും. പണ്ടൊക്കെ അമ്പലങ്ങളിലും മറ്റ് പൊതുസ്ഥലങ്ങളിലും ഒക്കെ പോകുമ്പോ ആണുങ്ങളും പെണ്ണുങ്ങളും കൂടിയല്ലേ പോകാറ്? അപ്പോഴല്ലേ ഒരു രസമുള്ളൂ? ആണുങ്ങള് മാത്രം പോയിട്ടെന്ത് കാര്യം?
''എല്ലാവരും ഒരുമിച്ച് വരിക എന്നതിലാണ് കാര്യം. പക്ഷേ അതിവിടെ നടക്കുന്നില്ല. കാരണം വരുന്നത് മുഴുവന് പുരുഷന്മാരാണ്''- റിമ പറഞ്ഞു.