ആരാധകരെ ആവേശത്തിലാഴ്ത്തുന്ന കൂട്ടുകെട്ടിനാണ് തമിഴകത്ത് തിരിതെളിഞ്ഞിരിക്കുന്നത്. ഇളയദളപതി വിജയ്യും സംവിധായകൻ ആറ്റ്ലിയും ഒന്നിക്കുന്ന പുതിയ ചിത്രത്തിന്റെ പൂജ ചെന്നൈയിൽ നടന്നു. ബോക്‌സ്ഓഫീസ് വമ്പൻവിജയം സ്വന്തമാക്കിയ തെരിക്കും മെര്‍സലിനും ശേഷം ഇരുവരും ഒന്നിക്കുന്ന ചിത്രമെന്ന പ്രത്യേകതയും ആരാധകർക്ക് ആവേശമാകുന്നു.
സര്‍ക്കാർ എന്ന മെഗാഹിറ്റിന് ശേഷമെത്തുന്ന വിജയ്യുടെ അറുപത്തിമൂന്നാമത്തെ ചിത്രമാണ് ഇത്. ചിത്രത്തിന്റെ പേര് ഇതുവരെ പുറത്തുവന്നിട്ടില്ല. 2017 ൽ ആറ്റ്‌ലിക്കൊപ്പം വിജയ് ഒന്നിച്ച മെര്‍സല്‍ വലിയ വിവാദങ്ങൾക്കും വഴിവച്ചിരുന്നു. എജിഎസ് സിനിമാസ് ആണ് പുതിയ ചിത്രത്തിന്റെ നിര്‍മാണം. എ ആര്‍ റഹ്മാന്‍ സംഗീതം പകരുന്ന ചിത്രത്തില്‍ യോഗി ബാബു, അന്ധരാജ്, പരിയേറും പെരുമാള്‍ ഫെയിം കതിര്‍ എന്നിവരും പ്രധാനവേഷത്തിലെത്തും.
