അലവന്‍സ് വര്‍ധിപ്പിക്കണെന്നാവശ്യപ്പെട്ട് മിന്നല്‍ പണിമുടക്ക് നടത്തിയ ജീവനക്കാരെ കൂട്ടത്തോടെ പിരിച്ചു വിട്ട് എയര്‍ ഇന്ത്യ എക്സ്പ്രസ്. അപ്രതീക്ഷിത അവധിയെടുത്തത് ബോധപൂര്‍വമെന്നാണ് കമ്പനിയുടെ വിലയിരുത്തല്‍. കൂട്ടത്തോടെ സിക്ക് ലീവ് എടുത്തത് ആസൂത്രിതമായാണെന്നും കാബിന്‍ ക്രൂവിന് നല്‍കിയ പിരിച്ചുവിടല്‍ കത്തില്‍ എയര്‍ ഇന്ത്യ എക്സ്പ്രസ് വ്യക്തമാക്കുന്നു. ഇന്നും കണ്ണൂരില്‍ നിന്നുള്ള നാലും തിരുവനന്തപുരത്തും കൊച്ചിയില്‍ നിന്നുമുള്ള രണ്ടും വീതം സര്‍വീസുകള്‍ റദ്ദാക്കിയിരുന്നു. യുഎഇയില്‍ നിന്നുള്ള സര്‍വീസുകളും ഒട്ടേറെ റദ്ദാക്കി.
