വയനാട് തലപ്പുഴ കമ്പമലയിൽ മാവോയിസ്റ്റ് - തണ്ടർബോൾട്ട് ഏറ്റുമുട്ടൽ. തണ്ടർബോൾട്ടിന് നേരെ മാവോയിസ്റ്റ് സംഘം വെടിവെക്കുകയായിരുന്നുവെന്ന് പൊലീസ്. ഉൾക്കാട്ടിൽ നിന്ന് 9 റൗണ്ട് വെടി ശബ്ദം കേട്ടതായി തോട്ടം തൊഴിലാളികൾ പറഞ്ഞു. രാവിലെ പത്തരയോടെയായിരുന്നു സംഭവം. തിരഞ്ഞെടുപ്പ് ബഹിഷ്കരിക്കണമെന്ന് ആഹ്വാനം ചെയ്തു സായുധ മാവോയിസ്റ്റ് സംഘം എത്തിയതിന് പിന്നാലെ മേഖലയിൽ തണ്ടർബോൾട്ടിന്റെ തിരച്ചിൽ ശക്തമാക്കിയിരുന്നു. ഇതിനിടെയാണ് കമ്പമല - ആറളം വനമേഖലയിൽ നിന്ന് വെടിവെച്ച കേട്ടത്. ആർക്കും പരുക്കില്ലെന്നാണ് പ്രാഥമിക വിലയിരുത്തൽ. മാനന്തവാടി ഡിവൈഎസ്പിയുടെ നേതൃത്വത്തിൽ ശക്തമായ പൊലീസ് കാവലിലാണ് മേഖല.
Wayanad Maoist-Thunderbolt encounter