പഞ്ചാബ് നാഷണല്‍ ബാങ്കിന്‍റെ മണിപ്പുരിലെ ഉഖ്റുല്‍ ശാഖയില്‍ വന്‍ കവര്‍ച്ച. മുഖം മറച്ചെത്തിയ തോക്കുധാരികള്‍ ജീവനക്കാരെ യും ബാങ്ക് മാനേജരെയും ബന്ദികളാക്കിയ ശേഷം 18.85 കോടി രൂപ കവര്‍ന്നു. വ്യാഴാഴ്ച വൈകുന്നേരം 5.40 ഓടെയായിരുന്നു കവര്‍ച്ച. പത്തുമിനിറ്റിലാണ് പത്തോളം വരുന്ന അക്രമിസംഘം കവര്‍ച്ച നടത്തി മടങ്ങിയത്. സിസിടിവി ദൃശ്യങ്ങള്‍ പരിശോധിക്കുമെന്നും സംഭവത്തിന് പിന്നാലെ മറ്റ് ബാങ്കുകളുടെ സുരക്ഷ വര്‍ധിപ്പിച്ചിട്ടുണ്ടെന്നും പൊലീസ് അറിയിച്ചു. ഇതുവരെയും ആരെയും അറസ്റ്റ് ചെയ്തിട്ടില്ല.
Masked gunmen loot 18.85 cr from PNB Ukhrul, Manipur