ഗവര്‍ണര്‍ക്കെതിരെ പ്രത്യക്ഷസമരത്തില്‍ പങ്കെടുക്കാന്‍ മുഖ്യമന്ത്രി പിണറായി വിജയന്‍ . നാളെ തിരുവനന്തപുരത്ത് ഗവര്‍ണര്‍ക്കെതിരെ നടക്കുന്ന ഉന്നതവിദ്യാഭ്യാസ കണ്‍വെന്‍ഷനിലാണ് മുഖ്യമന്ത്രി പങ്കെടുക്കുക. വിവിധ മേഖലകളിലെ വിദഗ്ധര്‍ പങ്കെടുക്കുന്ന കണ്‍വെന്‍ഷന്‍ നിയന്ത്രിക്കുന്നത് എല്‍ഡിഎഫാണ്. എ.കെ.ജി സെന്‍ററിനോട് ചേര്‍ന്നള്ള എ.കെ.ജി ഹാളിലാണ് യോഗം. രാഷ്ട്രീയസമരമല്ലാത്തിനാലാണ് മുഖ്യമന്ത്രി പങ്കെടുക്കുന്നതെന്നാണ് എല്‍ഡിഎഫ് നേതൃത്വത്തിന്‍റെ വിശദീകരണം. അതേസമയം 15ന് നടക്കുന്ന എല്‍ഡിഎഫിന്‍റെ രാജ്ഭവന്‍ മാര്‍ച്ചില്‍ മുഖ്യമന്ത്രി പങ്കെടുക്കേണ്ടെന്നാണ് തീരുമാനം.
അതേസമയം, കേരള ഗവർണർ ആരിഫ് മുഹമ്മദ് ഖാൻ ഉന്നത വിദ്യാഭ്യാസരംഗത്ത് ഹിന്ദുത്വ പ്രത്യയശാസ്ത്ര അജൻഡയ്ക്ക് വഴിയൊരുക്കുന്നുവെന്ന് സിപിഎം കേന്ദ്രകമ്മിറ്റി. സംസ്ഥാനമന്ത്രിയുടെ രാജി ആവശ്യപ്പെടാൻ ഗവർണർക്ക് അധികാരമില്ല. ഗവർണർക്ക് രാഷ്ട്രീയ ലക്ഷ്യങ്ങളുണ്ടെന്ന് സിപിഎം ജനറൽ സെക്രട്ടറി സീതാറാം യച്ചൂരി ആരോപിച്ചു. ഗവർണർമാർക്കെതിരായ പ്രതിഷേധത്തിൽ ബിജെപി ഇതര പാർട്ടികളെ ഒന്നിച്ചു നിർത്തും. ഗവർണർ വിഷയത്തിൽ കേരളത്തിലെ കോൺഗ്രസ് നേതാക്കൾക്കിടയിലെ ഭിന്നത അവർ തന്നെ ചർച്ചചെയ്ത് പരിഹരിക്കണമെന്നും യച്ചൂരി പറഞ്ഞു.
CM Pinarayi will attend higher education convention