ആസ്വാദകരെ ആകര്‍ഷിച്ച് ആറുചിത്രകാരന്‍മാര്‍ ഒരുക്കിയ ചിത്രപ്രദര്‍ശനം. പത്തനംതിട്ട കേന്ദ്രമായി പ്രവര്‍ത്തിക്കുന്ന ക്ലിന്റ് വരക്കൂട്ടമാണ് ചിതകലാ ക്യാമ്പിന്റെ ഭാഗമായി പ്രദര്‍ശനം ഒരുക്കിയത്. കുട്ടികള്‍ക്കായി അവധിക്കാല ചിത്രകലാ ക്യാമ്പും സംഘടിപ്പിച്ചിരുന്നു.
റിയലിസ്റ്റികും, സര്‍റിയലിസ്റ്റിക്കുമായ ചിത്രങ്ങള്‍. പ്രകൃതിയും ദുരന്തവും,വേദനയുമൊക്ക വിഷയങ്ങള്‍. ക്ലിന്റ് വരക്കൂട്ടം ചിത്രകല കൂട്ടായ്മയില്‍ പിറന്ന ചിത്രങ്ങള്‍ ഇങ്ങനെയൊക്കെ.
അക്രിലിക് ആണ് ചിത്രകാരന്‍മാര്‍ മുഖ്യമായും മീഡിയമാക്കിയത്. പ്രേംദാസ് പത്തനംതിട്ട,ഷേര്‍ലി ഓമല്ലൂര്‍,ഷീല, ബൈജു നൂറനാട്, റോയ് ദാനിയേല്‍, അഭിലാഷ് കുമ്പളാംപൊയ്ക എന്നിവരാണ് ചിത്രങ്ങള്‍ വരച്ചത്. ചൂവര്‍ ചിത്രശൈലിയില്‍ വരച്ച ചിത്രങ്ങളും ചിത്രപ്രദര്‍ശനത്തില്‍ ആകര്‍ഷണിയമായി. നിരവധിപേര്‍ ചിത്രപ്രദര്‍ശനം കാണാന്‍ എത്തി. പത്തനംതിട്ട ജില്ലാ സ്പോട്സ് കൗണ്‍സില്‍ ചുവര്‍ ഉള്‍പ്പടെയുള്ള ഇടങ്ങളില്‍ ചിത്രമതില്‍ ഒരുക്കിയത് ക്ലിന്റ് വരക്കൂട്ടത്തിലെ കലാകാരന്‍മാരാണ്.