ഒരാഴ്ചകൂടി കഴിഞ്ഞാൽ മണ്ഡലകാലമാണ്. ഭക്തസഹസ്രങ്ങൾ ഇരുമുടിക്കെട്ടുമായി ശബരിമലയിലേക്കെത്തും. സ്ത്രീപ്രവേശവുമായി ബന്ധപ്പെട്ടും പോയവർഷം ശബരിമല വാർത്തകളിൽ നിറഞ്ഞുനിന്നു. ഇക്കുറി മണ്ഡലകാലത്തിന് മുൻപേ ശബരിമല വാർത്തകളിൽ ഇടംനേടുന്നത് ഒരു സിനിമയുടെ വരവുകൊണ്ടുകൂടിയാണ്. നാൽപത്തിയൊന്ന്. ബിജു മേനോനും നിമിഷ സജയനും മുഖ്യവേഷത്തിലെത്തുന്ന ചിത്രം. നവാഗതനായ പി.ജി.പ്രഗീഷിന്റേതാണ് രചന. സംവിധായകനായി ലാൽ ജോസിന്റെ ഇരുപത്തിയഞ്ചാമത്തെ ചിത്രം.
