ഇളയദളപതിയുടെ പിറന്നാളിന് ദുൽക്കർ, നിവിൻ, ധനുഷ് തുടങ്ങി സിനിമാരംഗത്തെ പ്രമുഖർ ഫെയ്സ്ബുക്കിലൂടെ ആശംസകൾ നേർന്നിരുന്നു. എന്നാല്‍ ഇതില്‍ നിന്നൊക്കെ വ്യത്യസ്തമായ പിറന്നാൾ സമ്മാനമാണ് നടി കീർത്തി സുരേഷ് വിജയ്‍‌യ്ക്ക് നൽകിയത്.
പിറന്നാള്‍ ദിനത്തില്‍ വിജയ്യുടെ മനോഹരമായ ജലച്ഛായമാണ് സമ്മാനമായി നൽകിയത്. ഈ ചിത്രം ട്വിറ്ററിലൂടെ ആരാധകരുമായി പങ്കുവക്കുകയും ചെയ്തു. ഒരു നടി മാത്രമല്ല മികച്ച ചിത്രകാരി കൂടിയാണെന്ന് കൂടി കീർത്തി തെളിയിച്ചു.
ഭൈരവ എന്ന ചിത്രത്തിൽ വിജയ്യുടെ നായികയായി എത്തിയത് കീര്‍ത്തി ആയിരുന്നു. തമിഴകത്തിന്റെ ഏറ്റവും തിരക്കേറിയ യുവനടിമാരിൽ ഒരാളാണ് കീർത്തി.
സൂര്യ നായകനാകുന്ന താനെ സേർന്ത കൂട്ടമാണ് കീർത്തിയുടെ പുതിയ ചിത്രം.
×