ദുൽഖറിന് കുഞ്ഞുണ്ടായപ്പോൾ രസകരമായ ഒരു ട്രോൾ പുറത്തിറങ്ങി. ഉമ്മച്ചിയെയും വാപ്പച്ചിയെയും ഉപ്പൂപ്പയെയും കൊച്ചുമകൾക്ക് പരിചയപ്പെടുത്തുന്ന മമ്മൂട്ടിയുടെ കിടിലൻ ട്രോൾ ആയിരുന്നു അത്. അതിൽ ദുൽഖറിന്റെ മകളായെത്തിയ കൊച്ചു സുന്ദരിയുടെ മുഖത്തു വിരിഞ്ഞ ഭാവരസങ്ങൾ വളരെ പെട്ടെന്നുതന്നെ സോഷ്യൽ മീഡിയയിൽ തരംഗമായി. എന്നാൽ ഈ സുന്ദരിക്കുട്ടി ആരാണെന്നതിനെ കുറിച്ച് കാര്യമായ അറിവൊന്നും ഉണ്ടായിരുന്നില്ല. എന്നാലിപ്പോൾ മുഖത്തു നവരസങ്ങൾ മിന്നിമായുന്ന ആ സുന്ദരിയെ സോഷ്യൽ മീഡിയ തന്നെ കണ്ടെത്തിയിരിക്കുന്നു. തലശ്ശേരി കലായി മാക്കൂട്ടം സ്വദേശി വിജേഷ് - ഷീജ ദമ്പതികളുടെ ഇളയ മകൾ ശിവന്യയാണ് ട്രോളർമാരുടെ പ്രിയങ്കരിയായി മാറിയ ആ കൊച്ചു സുന്ദരി. തലശ്ശേരി അമൃത സ്കൂളില് യു കെ ജി വിദ്യാര്ത്ഥിനിയാണ് ശിവന്യ.
പൂർണരൂപം വായിക്കാം, വീഡിയോ കാണാം