റെഡ് മീ നോട്ട് ഫൈവിന്‍റെ കാത്തിരിപ്പിന് വിരാമായി

note-5-t
SHARE

ഷവോമിയുടെ ഏറ്റവും പുതിയ ഫോണായ റെഡ് മീ നോട്ട് ഫൈവിന്‍റെ കാത്തിരിപ്പിന് വിരാമായി. ഡല്‍ഹിയില്‍ നടന്ന ചടങ്ങില്‍ രാജ്യാന്തരതലത്തില്‍ നോട്ട് 5  പ്രോയും വിപണിയില്‍ അവതരിപ്പിച്ചു. 

കഴിഞ്ഞ വര്‍ഷം പുറത്തിറക്കിയ നോട്ട് 4ന് ലഭിച്ച മികച്ച പ്രതികരണങ്ങള്‍ ഉള്‍ക്കൊണ്ടാണ് ഷവോമി നോട്ട് 5 വിപണിയിലെത്തിച്ചിരിക്കുന്നത്. ബെസല്‍ ലെസ് ഡിസ്പ്ളെയാണ് നോട്ട് 5 ന്‍റെ പ്രത്യേകത. 18:9 ആസ്പക്ട് റേഷ്യോയും ഫോണിന്‍റെ സ്ക്രീനിന്‍റെ മികവ് വര്‍ധിപ്പിക്കും. 4000 എം.എ.എച്ച് ആണ് ബാറ്ററിയുടെ പവര്‍. 636 സ്നാപ് ഡ്രാഗണ്‍ പ്രോസസര്‍ ഉപയോഗിക്കുന്ന ഫോണിലെ ഓപ്പറേറ്റിങ് സിസ്റ്റം ആന്‍ഡ്രോയിഡ് നുഗാട്ടാണ്. 12 മെഗാപിക്സല്‍ പിന്‍വശത്തും 5 മെഗാപിക്സല്‍ സെല്‍ഫി ക്യാമറയുമാണ് ഫോണിലുള്ളത്. 3ജിബി റാമും 32 ജിബി സ്റ്റോറേജുമുള്ള ഫോണിന് ഇന്ത്യയില്‍ 9999രൂപയും 4 ജിബി റാമും 64 ജിബി സ്റ്റോറേജ് ഉള്ള ഫോണിന്് 11,999 രൂപയുമാണ് ഇന്ത്യയിലെ വില. 

ആപ്പില്‍ ടെന്നിലുള്ള ഫെയ്സ് അണ്‍ലോക്കാണ് ഇന്ന് പുറത്തിറക്കിയ നോട്ട് 5 പ്രോയുടെ മുഖ്യ സവിശേഷത. സ്നാപ് ഡ്രാഗണ്‍ പ്രോസസറുള്ള നോട്ട് പ്രോയില്‍ 6ജിബി റാമിന്‍റെ മോഡലിന് 16,999 രൂപയും 4 ജിബി റാം മോഡലിന് 13,999 രൂപയുമാണ് വില. 20 മെഗാപിക്സല്‍ ഡ്യൂല്‍ ക്യാമറകള്‍ നോട്ട് പ്രോയെ മികച്ച ക്യാമറഫോണാക്കുന്നു. ഫ്ളിപ്പ് കാര്‍ട്ടിലും കമ്പനി വെബ്സൈറ്റിലൂടെയും മാത്രം  അടുത്ത ആഴ്ചമുതല്‍ ഫോണ്‍ ലഭ്യമാകും. 

MORE IN BUSINESS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.