പത്തനംതിട്ടയില്‍ പീഡനത്തിനിരയായ കുട്ടിയെ പരിശോധിക്കാതിരുന്ന ഡോക്ടര്‍മാര്‍ക്കെതിരെ കേസെടുക്കാമെന്ന് സ്പെഷ്യല്‍ പ്രോസിക്യൂട്ടര്‍. ഇക്കാര്യത്തില്‍ നിയമോപദേശം തേടേണ്ട കാര്യമില്ലെന്നും പോക്സോ കോടതി സ്പെഷ്യല്‍ പ്രോസിക്യൂട്ടര്‍ പി.എ.ഹന്‍സലാഹ് മുഹമ്മദ് പറഞ്ഞു. ഇന്ത്യന്‍ ശിക്ഷാനിയമം നൂറ്റിഅറുപത്താറ് - എ, നൂറ്റിഅറുപത്താറ് - ബി വകുപ്പുകളനുസരിച്ച് പൊലീസിന് കേസെടുക്കാം. നിയമോപദേശത്തിനായി പൊലീസ് തന്നെ സമീപിച്ചിരുന്നുവെന്നും ഹന്‍സലാഹ് മുഹമ്മദ് അറിയിച്ചു.
×