സംസ്ഥാനസർക്കാർ ദേശവിരുദ്ധരെ സഹായിക്കുകയാണെന്ന ആർ.എസ്.എസ് തലവന്റെ പ്രസ്താവന കേരളീയരോടുള്ള വെല്ലുവിളിയെന്ന് മുഖ്യമന്ത്രി പിണറായി വിജയൻ. ഒരു വർഗീയശക്തിക്കും രാജ്യദ്രോഹിക്കും കൊട്ടാനുള്ള ചെണ്ടയല്ല കേരളം. ആർ.എസ്.എസിന്റെ വർഗീയ അജണ്ട നടപ്പിലാക്കാനുള്ള എല്ലാ നീക്കങ്ങളും പരാജയപ്പെട്ടപ്പോഴാണ് കേരളത്തെ ദേശദ്രോഹത്തോടു ചേർത്തുവെക്കാൻ ശ്രമിക്കുന്നത്. എത്രവലിയ വർഗീയ ശക്തിയായാലും ജനജീവിതം അലങ്കോലപ്പെടുത്താൻ ശ്രമിച്ചാൽ സർക്കാർ നടപടിയെടുക്കുമെന്നും ഫേസ്ബുക്കിലെഴുതിയ കുറിപ്പിൽ മുഖ്യമന്ത്രി വ്യക്തമാക്കി.
×