ജാമ്യവ്യവസ്ഥയിൽ അനുവദിച്ച രണ്ടാഴ്ചത്തെ ഇളവ് പൂർത്തിയായ സാഹചര്യത്തിൽ പി ഡി പി അധ്യക്ഷന്‍ അബ്ദുല്‍ നാസര്‍ മഅദനി ബംഗളൂരുവിൽ മടങ്ങിയെത്തി. നെടുമ്പാശേരിയിൽ നിന്ന് രാത്രി പത്തരയ്ക്ക് പുറപ്പെട്ട വിമാനത്തിലാണ് മഅദനി ബംഗളൂരുവിലെത്തിയത്.
ഈ മാസം ആറിനാണ് മകന്‍റെ വിവാഹത്തില്‍ പങ്കെടുക്കുന്നതിനും രോഗിയായ അമ്മയെ കാണുന്നതിനുമായി മഅദനി കേരളത്തിലെത്തിയത്. നീതി നിഷേധമാണ് തനിക്ക് ഉണ്ടായതെന്നും വിചാരണ നീളുകയാണെങ്കില്‍ സുപ്രീം കോടതിയെ സമീപിക്കുമെന്നും മഅദനി പറഞ്ഞു.
×