തിരുവനന്തപുരം കാര്യവട്ടത്തെ ഗ്രീന്ഫീല്ഡ് സ്റ്റേഡിയം രാജ്യാന്തര ക്രിക്കറ്റ് മല്സരത്തിന് വേദിയാകുന്നു. കൊല്ക്കത്തയില് ചേരുന്ന ബിസിസിഐയുടെ ടൂര് ആന്റ് ഫിക്സ്ചര് കമ്മിറ്റിക്ക് ശേഷം പ്രഖ്യാപനമുണ്ടാകും. ചിലപ്പോള് ടെസ്റ്റ് മല്സരത്തിന് തന്നെ ഗ്രീന്ഫീല്ഡ് വേദിയാകാനിടയുണ്ട്. ഈ വര്ഷം അവസാനം ശ്രീലങ്ക പര്യടനത്തിനെത്തുമ്പോള് ഒരു ടെസ്റ്റ് മല്സരം കാര്യവട്ടത്ത് നടത്താനാണ് ആലോചന.
എന്നാല് ഇതുവരെ രാജ്യാന്തര ക്രിക്കറ്റിന് വേദിയായിട്ടില്ലാത്തതിനാല് ഏകദിനമല്സരമോ ട്വന്റി-20യോ ആയിരിക്കും ആദ്യം നടത്തുന്നത്. പതിവ് ടെസ്റ്റ് വേദികള് ഏകദിന, ട്വന്റി-20 മല്സരങ്ങള് നടത്താന് താല്പര്യം പ്രകടിപ്പിക്കുന്നതാണ് ഗ്രീന്ഫീല്ഡിന്റെ സാധ്യത വര്ധിപ്പിക്കുന്നത്.