തിരുവനന്തപുരത്തെ കാര്യവട്ടം ഗ്രീന്‍ഫീല്‍ഡ് സ്റ്റേഡിയം രാജ്യാന്തര ട്വന്‍റി 20 മല്‍സരത്തിന് വേദിയാകും. ഡിസംബര്‍ 20ന് ശ്രീലങ്കയ്ക്കെതിരെയാണ് മല്‍സരം. കൊല്‍ക്കത്തയില്‍ നടന്ന ബിസിസിഐയുടെ ടൂര്‍സ് ആന്‍‍ഡ് ഫിക്സ്ചര്‍ യോഗത്തിലാണ് തീരുമാനം. കേരളത്തില്‍ ഇതോടെ രണ്ട് രാജ്യാന്തര ക്രിക്കറ്റ് മല്‍സരവേദികളാകും. ഈ വര്‍ഷം ഇന്ത്യയില്‍ നടക്കുന്ന ഓസ്ട്രേലിയ,ന്യൂസിലന്‍ഡ്, ശ്രീലങ്ക ടീമുകളുടെ പരമ്പരയുടെ തീയതികളിലും തീരുമാനമായതായി ബിസിസിഐ വൈസ് പ്രസിഡന്‍റ് ടി.സി.മാത്യു തിരുവനന്തപുരത്ത് പറഞ്ഞു.
×