കൊച്ചിയിൽ പീഡിപ്പിക്കപ്പെട്ട യുവനടിക്കെതിരെ ആക്ഷേപ പരാമർശങ്ങളുമായി പി.സി. ജോർജ് എംഎൽഎ.അതിക്രൂരമായി പീഡിപ്പിക്കപ്പെട്ടെന്നു പറയുന്ന നടി തൊട്ടടുത്ത ദിവസം എങ്ങനെയാണ് അഭിനയിക്കാൻ പോയതെന്ന് പി.സി. ജോർജ് ചോദിച്ചു. നടി ആക്രമിക്കപ്പെട്ടതിനു തെളിവില്ലെന്നും ആലപ്പുഴയില്‍ നടത്തിയ വാര്‍ത്താസമ്മേളനത്തില്‍ അദ്ദേഹം പറഞ്ഞു.
കേസിൽ പൊലീസ് പറയുന്ന പല കാര്യങ്ങളും വിശ്വാസയോഗ്യമല്ല. നിർഭയയെക്കാൾ ക്രൂരമായ പീഡനം നടന്നുവെന്നാണല്ലോ പറയുന്നത്.എങ്കില്‍ പിറ്റേന്നുതന്നെ സിനിമയില്‍ അഭിനയിക്കാന്‍ അവർ പോയത് എങ്ങനെയാണെന്നും ജോർജ് ചോദിച്ചു. ഇപ്പോൾ നടക്കുന്നതു പുരുഷ പീഡനമാണ്. കേസില്‍ തെളിവ് നല്‍കാന്‍ താനെങ്ങും പോകില്ല. അന്വേഷണസംഘം തന്റെ മുറിയില്‍ വന്നാല്‍ അറിയാവുന്ന കാര്യങ്ങള്‍ പറയുമെന്നും പി.സി. ജോർജ് വ്യക്തമാക്കി.
×