ബിഹാര് ഗവര്ണറും ദലിത് നേതാവുമായ രാംനാഥ് കോവിന്ദിന്റെ രാഷ്ട്രപതി സ്ഥാനാർഥിത്വത്തെ ചൊല്ലി പ്രതിഷേധം എതിർപ്പ് ശക്തമാക്കിയതോടെയാണ് നിലപാടുമായി ബിഎസ്തിപി നേതാവ് മായാവതി രംഗത്ത്. പ്രതിപക്ഷസ്ഥാനാര്ഥി ദലിത് അല്ലെങ്കില് എന്ഡിഎയെ പിന്തുണയ്ക്കുമെന്നും മായാവതി പറഞ്ഞു. സ്ഥാനാർഥി കക്ഷിരാഷ്ട്രീയക്കാരൻ അല്ലായിരുന്നുവെങ്കിൽ നാമനിർദേശം കൂടുതൽ നന്നായേനേ. ദലിതനെ സ്ഥാനാർഥിയാക്കിയത് എന്തുകൊണ്ടും നല്ല തീരുമാനമാണെന്നും മായാവതി പറഞ്ഞു.
എൻഡിഎയുടെ രാഷ്ട്രപതി സ്ഥാനാർഥിയെ ബിജെപി ഏകപക്ഷീയമായാണ് നിശ്ചയിച്ചതെന്ന് ശിവസേന ആരോപിച്ചിരുന്നു. സ്ഥാനാർഥിയെക്കുറിച്ച് ഘടകകക്ഷികളുമായി ചർച്ച നടത്തിയിട്ടില്ല. സമവായ ചർച്ചകളിൽപോലും ബിജെപി രാംനാഥ് കോവിന്ദിന്റെ പേര് പറഞ്ഞിട്ടില്ലെന്നും ശിവസേന നേതാവ് സഞ്ജയ് റാവത്ത് ആരോപിച്ചു.
പ്രധാനമന്ത്രി നരേന്ദ്ര മോദിയുടെ അധ്യക്ഷതയില് ചേര്ന്ന ബിജെപി പാര്ലമെന്ററി ബോര്ഡ് യോഗമാണ് കോവിന്ദിനെ രാഷ്ട്രപതി സ്ഥാനാര്ഥിയായി തിരഞ്ഞെടുത്തത്. ഉത്തര്പ്രദേശിലെ കാണ്പൂരില് നിന്നുള്ള ദലിത് നേതാവായ കോവിന്ദ് ബിജെപിയുടെ എസ്.സി/എസ്.ടി മോര്ച്ചയുടെ അധ്യക്ഷനായിരുന്നു. രണ്ടുതവണ രാജ്യസഭാംഗമായിരുന്നു. 23 ന് കോവിന്ദ് നാമനിര്ദേശപത്രിക സമര്പ്പിക്കും.