ക്നാനായ കത്തോലിക്കാസഭാ കോട്ടയം അതിരൂപതയുടെ പ്രഥമ ആർച്ച് ബിഷപ് മാർ കുര്യാക്കോസ് കുന്നശേരിയുടെ ഭൗതികശരീരം കോട്ടയം ക്രിസ്തുരാജ കത്തീഡ്രലിൽ കബറടക്കി. കബറടക്കശുശ്രൂഷകളിൽ സിറോ മലബാർസഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി മുഖ്യകാർമികത്വം വഹിച്ചു. കെ.സി.ബി.സി പ്രസിഡന്റ് ആർച്ച് ബിഷപ് എം.സൂസപാക്യം അനുസ്മരണ സന്ദേശം നൽകി. തൃശൂർ അതിരൂപതാ മുൻ ആർച്ച് ബിഷപ് മാർ ജേക്കബ് തൂങ്കുഴി വചനസന്ദേശം നൽകി. നൂറുകണക്കിന് വിശ്വാസികളാണ് അതിരൂപതയുടെ പ്രഥമ ഇടയന് ആദരാഞ്ജലികൾ അർപ്പിക്കാനെത്തിയത്. രാഷ്ട്രീയ സാമൂഹ്യരംഗത്തെ പ്രമുഖരും കബറടക്ക ശുശ്രൂഷകളിൽ പങ്കെടുത്തു. കഴിഞ്ഞ ബുധനാഴ്ചയാണ് മാർ കുര്യാക്കോസ് കുന്നശേരി കാലം ചെയ്തത്.
×