മാനാഞ്ചിറ വെള്ളിമാടുകുന്ന് റോഡു വികസനം വേഗത്തിൽ പൂർത്തിയാക്കുമെന്ന് എം.എൽ.എ എ.പ്രദീപ് കുമാർ.സ്ഥലം വിട്ടു നൽകുന്നവർക്ക് ഉടൻ പണം ലഭ്യമാക്കുമെന്നും അദ്ദേഹം അറിയിച്ചു
സ്ഥലമേറ്റെടുക്കാനുള്ള ഫണ്ട് ലഭിക്കാത്തതായിരുന്നു റോഡ് വികസനത്തിനുള്ള തടസം.ഏറെ സമരങ്ങൾക്കും പ്രതിഷേധങ്ങൾക്കുമൊടുവിൽ പണം ഉടൻ ലഭ്യമാക്കുമെന്ന് ധന വകുപ്പ് അറിയിച്ചു.ഭൂമിയുടെ ഉടമസ്ഥർ സമ്മതപത്രം നൽകിയാൽ , ആ രേഖകൾ പരിശോധിച്ചതിനു ശേഷം പണം നൽകും.ഈ മാസം 31 നകം സമ്മതപത്രം നൽകണം. സ്ഥലമേറ്റെടുക്കുന്നതിനായി 280 കോടി രൂപയാണ് ഇനി ആവശ്യം. 550 ഉടമകളുടെ ഭൂമിയാണ് ഏറ്റെടുക്കേണ്ടത്.ഇതിൽ 470 പേർ ഇതിനകം സമ്മതപത്രം നൽകിയിട്ടുണ്ട്.
×