ക്രിമിനല്‍ ഗൂഢാലോചന തെളിയിക്കാനായില്ല; വിധിക്കെതിരെ അപ്പീല്‍ നല്‍കാന്‍ സര്‍ക്കാര്‍

കേരളം കാത്തിരുന്ന വിധി ഉണ്ടായിരുന്ന ദിവസമാണിന്ന്. നടി ആക്രമിക്കപ്പെട്ട കേസിലെ എട്ടാം പ്രതിയായി പ്രതിച്ചേര്‍ക്കപ്പെട്ട വിചാരണ പൂര്‍ത്തിയാക്കിയ ദിലീപിനെ കുറ്റക്കാരനല്ലെന്ന് കണ്ട് കോടതി വെറുതെവിട്ടിരിക്കുന്നു. 

നടിയെ ആക്രമിച്ച കേസിൽ വിധിവന്നപ്പോള്‍ കുറ്റക്കാരായി കോടതി കണ്ടെത്തിയത് പ്രതിപ്പട്ടികയിലെ ആദ്യ ആറുപേരെ, അതായത്, നടിയെ ആക്രമിച്ച് ദൃശ്യങ്ങൾ പകർത്തിയ ആദ്യ ആറുപ്രതികളും കുറ്റം ചെയ്തെന്ന് കോടതി കണ്ടെത്തി. എട്ടാം പ്രതി ദിലീപ് ഉള്‍പ്പെടെ മറ്റ് നാല് പ്രതികളും കുറ്റക്കാരല്ലെന്ന് കണ്ട് വെറുതെവിടുകയും ചെയ്തു. ഗൂഢാലോചനയ്ക്ക് തെളിവില്ലെന്ന് ചൂണ്ടിക്കാട്ടിയാണ് എറണാകുളം പ്രിൻസിപ്പൽ സെഷൻസ് കോടതിയുടെ ഉത്തരവ്.