ചൈനയുടെ സുഖോയ് എസ് യു-35 യുദ്ധവിമാനം രാജ്യത്തെ വ്യോമ പ്രതിരോധ സംവിധാനം വെടിവച്ചു വീഴ്ത്തിയെന്ന അവകാശവാദവുമായി തയ്വാൻ ട്വിറ്റർ ഉപയോക്താക്കൾ. എന്നാൽ ഈ സംഭവം പൂർണമായും അസത്യവും വ്യാജവിവരവും ആണെന്നു ചൈന വ്യക്തമാക്കി.
തയ്വാൻ കടലിടുക്കിലേക്കും ദക്ഷിണ ചൈനാ കടലിലേക്കും നുഴഞ്ഞുകയറിയ ശേഷം വിയറ്റ്നാമിന്റെ അതിർത്തിയിൽ തെക്കൻ ചൈനയിലെ സ്വയംഭരണാധികാരമുള്ള തീരപ്രദേശമായ ഗ്വാങ്‌സിയിൽ വിമാനം തകർന്നു വീണെന്നായിരുന്നു റിപ്പോർട്ട്. പൈലറ്റിന് ഗുരുതരമായി പരുക്കേറ്റതായും പ്രചരിച്ചിരുന്നു.
