കോവിഡിനെതിരായ ജനങ്ങളുടെ പോരാട്ടത്തിന് ആദരമർപ്പിച്ച് പറക്കുന്നതിനിടെ കാനഡയിൽ വ്യോമസേനാ വിമാനം തകർന്ന് വീണു. ഒരാൾ കൊല്ലപ്പെട്ടു. ബ്രിട്ടീഷ് കൊളംബിയയിൽ ഇന്നലെയാണ് അപകടമുണ്ടായത്.
കാംപ്ലൂപ്സ് വിമാനത്താവളത്തിൽ നിന്ന് പറന്നുയർന്ന സ്നോബേർഡ്സ് എയറോബാറ്റിക്സ് വിമാനമാണ് അപകടത്തിൽപ്പെട്ടത്. പറന്നുയർന്ന് അൽപം കഴിഞ്ഞതോടെ പൊട്ടിത്തെറിക്കുകയായിരുന്നു.
തകർന്ന് വീണ വിമാനത്തിൽ നിന്ന് പൈലറ്റ് പരുക്കുകളോടെ രക്ഷപെട്ടു. വിമാനത്താവളത്തിന് സമീപത്തെ വീടിന് മുകളിലേക്കാണ് വിമാനം ഇടിച്ചിറങ്ങിയത്. ഈ വീടിന് തീ പിടിച്ചതായും റിപ്പോർട്ടുകളുണ്ട്. വിമാനാപകടത്തിന്റെ വിവരങ്ങൾ കനേഡിയൻ വ്യോമസേനാ വിഭാഗവും സ്ഥിരീകരിച്ചിട്ടുണ്ട്.