മുന്നിൽ അഗാധമായ ചുഴി; മത്സ്യത്തൊഴിലാളികൾക്ക് അത്ഭുത രക്ഷപെടൽ; വിഡിയോ

plug-hole22
SHARE

മുന്നിലുള്ള അഗാധമായ ചുഴിയറിയാതെ ചെറു വള്ളത്തിൽ മീൻ പിടിച്ചു കൊണ്ടിരുന്ന രണ്ട് മത്സ്യത്തൊഴിലാളികൾ അത്ഭുതകരമായി രക്ഷപെട്ടു. ഡെർബിഷെയറിലെ ലേഡിബൗവർ അണക്കെട്ടിൽ മീൻപിടിക്കാൻ ഇറങ്ങിയവരാണ് ഭാഗ്യത്തിന് രക്ഷപെട്ടത്.ഫ്ലോ നെയിൽസൺ എന്ന യുവതിയാണ് ഈ ദൃശ്യങ്ങൾ പകർത്തിയത്. മുന്നിൽ 66 അടിയോളം താഴ്ചയുള്ള ചുഴിയാണെന്ന് അറിയാതെ പെഡൽ വള്ളത്തിലാണ് രണ്ട് പേരും മീൻ പിടിക്കാൻ ഇറങ്ങിയത്.

നായയെയും കൊണ്ട് പ്രഭാത സവാരിക്കിറങ്ങിയ ഫ്ലോയുടെ കണ്ണിൽ ഈ കാഴ്ച പെടുകയായിരുന്നു. അപകടത്തിൽപ്പെട്ടെന്ന് തോന്നിപ്പിച്ചുവെങ്കിലും പെട്ടെന്ന് തന്നെ ബോട്ടിന്റെ ദിശമാറ്റി അവർ പോയെന്നും ഫ്ലോ മാധ്യമങ്ങളോട് വെളിപ്പെടുത്തി. സംഭവം ശ്രദ്ധയിൽപ്പെട്ടയുടൻ അധികൃതർ മുന്നറിയിപ്പ് പുറപ്പെടുവിച്ചിട്ടുണ്ട്. അണക്കെട്ടിലെ അധികജലം ഡെർവെന്റ് നദിയിലേക്ക് എത്തിക്കുന്നതിനായി നിർമ്മിച്ച ടണലിന്റെ ഭാഗമായുള്ളതാണ് ചുഴി. 

MORE IN WORLD
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...