കൊടുംചൂട് ചിത്രശലഭങ്ങൾക്ക് കനിവായി

butterfly
SHARE

റെക്കോഡ് ചൂടാണ്  പോയവർഷം ബ്രിട്ടണിൽ രേഖപ്പെടുത്തിയത്. മനുഷ്യർക്ക് അത്രയ്ക്ക് ഗുണം ചെയ്യാത്ത ഈ ചൂട് പക്ഷേ ചിത്രശലഭങ്ങളുടെ  വളർച്ചാനിരക്ക് കൂട്ടാൻ സഹായകമായി. യു.കെ ആസ്ഥാനമായി പ്രവർത്തിക്കുന്ന സന്നദ്ധ സംഘടനയാണ് ഈ കണക്കെടുപ്പ് നടത്തിയത്.

57 ശലഭവിഭാഗങ്ങളാണ് യു. കെ യിൽ പൊതുവെ കാണപ്പെടുന്നത്. ഇതിൽ 37 വിഭാഗങ്ങളുടേയും എണ്ണത്തിൽ ഗണ്യമായ വർദ്ധനയുണ്ടായെന്നാണ് uk butterfly monitoring sceme കണ്ടെത്തിയത്. ഇതില്‍ തന്നെ വംശനാശഭീഷണി നേരിടുന്ന 2 വിഭാഗങ്ങളില്‍ റെക്കോഡ് വര്‍ധനയാണ് ഉണ്ടായത്. ഏറെ നാള്‍ നീണ്ടുനിന്ന കൊടുംചൂടും വരള്‍ച്ചയുമാണ് ചിത്രശലഭങ്ങളുടെ എണ്ണം കൂട്ടിയത്. 1976ല്‍ രേഖപ്പെടുത്തിയ കണക്കില്‍ നിന്ന് 900% വരെ ഉയര്‍ന്നു വളര്‍ച്ചാനിരക്ക്. Black hairsteak എന്ന ശലഭവിഭാഗമാണ്  ഈ റെക്കോഡ് നേട്ടം ഉണ്ടാക്കിയത്. ഏറ്റവുമധികം വംശനാശഭീഷണി നേരിടുന്ന large Blue വിഭാഗം58% വര്‍ധന രേഖപ്പെടുത്തി. കൊടും ചൂടിനുശേഷമെത്തിയ തണുപ്പ് അപൂര്‍വയിനത്തില്‍പ്പെട്ട ചിത്രശലഭപ്പുഴുവിന്റെ ഉല്‍പാദനത്തിനും വളര്‍ച്ചക്കും ഏറെ സഹായകമായി. 

എന്നാലീ ചൂട് എല്ലാംകൊണ്ടും ശുഭമാണെന്നും പറയുക വയ്യ. 21 ഇനം ശലഭങ്ങളുടെ സര്‍വ്വനാശത്തിനും കൊടുംചൂട് കാരണമായി. ഏതാണ്ട്  ആയിരത്തിലധികം സന്നധപ്രവര്‍ത്തകര്‍ 2873 പ്രദേശങ്ങള്‍ സന്ദര്‍ശിച്ചാണ് ഈ സമഗ്രമായ കണക്ക് തയ്യാറാക്കിയത്.

MORE IN WORLD
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.