അതിശൈത്യത്തിൽ വിറങ്ങലിച്ച് അമേരിക്ക. ചിലയിടങ്ങളിൽ മൈനസ് 29 ഡിഗ്രി വരെയെത്തി താപനില. അമേരിക്കയിൽ നിന്നുള്ള ശൈത്യകാല ചിത്രങ്ങളും വിഡിയോകളും സോഷ്യൽ മീഡിയയിൽ പ്രചരിക്കുകയാണ്.
ലോവയിൽ നിന്നുള്ളതാണ് ഈ വിഡിയോ. തണുത്തുറഞ്ഞ മുടിയുമായി നടക്കുന്ന യുവതിയുടെ വിഡിയോ വൈറലായിരിക്കുകയാണ്.
തിളപ്പിച്ച വെള്ളത്തിന് പോലും ഈ താപനിലയിൽ രക്ഷയില്ല. തിളച്ച വെള്ളം അന്തരീക്ഷത്തിലൊഴിച്ച ഉടൻ തണുത്തുറഞ്ഞുപോകുന്ന വിഡിയോകളും ശൈത്യത്തിന്റെ രൂക്ഷത വ്യക്തമാക്കുന്നു.
ശൈത്യം ബാധിക്കാതിരിക്കാൻ റെയിൽപാളങ്ങളിൽ തീയിട്ടിരിക്കുന്ന ഈ വിഡിയോ ചിക്കാഗോയിൽ നിന്നാണ്.
തണുപ്പിനിടയിലും ട്രോളാനും ചിലർ മറന്നില്ല.