'സ്വാതന്ത്ര്യത്തിന്റെ നാലാം വാർഷികം, ഇന്ന് എന്റെ ഡിവോഴ്സ്-വേഴ്സറി ആഘോഷിക്കുന്നു. ഒരു ദിവസം പോലും നിസ്സാരമായി കാണുന്നില്ല, ഞാൻ ഏറ്റവുമധികം സന്തോഷവതിയാണ്..'
നീണ്ട പുൽത്തകിടിയിൽ കോഫിയും കുടിച്ചിരിക്കുന്ന ചിത്രം ഷാശ്വതി ശിവ സോഷ്യൽമീഡിയയിൽ പോസ്റ്റ് ചെയ്തിരിക്കുന്നത് ഈ ക്യാപ്ഷനോടെയാണ്. 2019 ലെ വിവാഹമോചനത്തിന് ശേഷമുണ്ടായ തന്റെ അതിശയകരമായ ജീവിതയാത്രയാണ് ഷാശ്വതി 'വിവാഹമോചന ആശംസകൾ' എന്ന പോസ്റ്റിലൂടെ പങ്കുവെയ്ക്കുന്നത്.
നാല് വർഷം മുമ്പ് ഈ ദിവസമാണ് താൻ വിവാഹമോചിതയാകുന്നത്. എല്ലാ വർഷവും സ്വാതന്ത്ര്യം ലഭിച്ച ദിവസമായി ഞാനിത് ആഘോഷിക്കും. കഴിഞ്ഞ 1460 ദിവസത്തിൽ ഈ തീരുമാനത്തോട് നന്ദി പറയാതെ ഒരു ദിനവും കടന്നുപോയിട്ടില്ല. കഴിഞ്ഞുപോയ വർഷങ്ങളിൽ താനിതുവരെ ചിന്തിച്ചിട്ടുപോലുമില്ലാത്ത പലതും ആത്മവിശ്വാസത്തോടെ ചെയ്യാനായെന്നും ഷാശ്വതി പറയുന്നു.
വിവാഹമോചനം സംബന്ധിച്ച് സമൂഹത്തിൽ നിലനിൽക്കുന്ന തെറ്റിദ്ധാരണകൾ മാറ്റാൻ 75ഓളം ഗ്രൂപ്പുകളുണ്ടാക്കുകയും അത് വഴി ഓൺലൈൻ പ്ലാറ്റ്ഫോമുകളിലൂടെ പലരോടും അഭിപ്രായം തേടുകയും ചെയ്തു. നിലവിൽ അഞ്ഞൂറിലേറെ അംഗങ്ങളുള്ള ടെലഗ്രാം ഗ്രൂപ്പും ഇൻസ്റ്റഗ്രാമിൽ #DivorceIsNormal എന്ന ഹാഷ്ടാഗിൽ ഒരു സപ്പോർട്ട് ഗ്രൂപ്പും ഷാശ്വതിക്കുണ്ട്.
സമൂഹത്തിൽ വിവാഹമോചിത അനുഭവിക്കേണ്ടി വരുന്ന ബുദ്ധിമുട്ടുകളും പ്രശ്നങ്ങളും ഷാശ്വതി പങ്കുവെയ്ക്കുന്നുണ്ട്. വിവാഹമോചിതരെ അംഗീകരിക്കാത്ത സമൂഹത്തിന്റെ കാഴ്ചപ്പാട് മാറ്റണമെന്നും അതൊരു വ്യക്തിയുടെ തീരുമാനമായി കാണണമെന്നും പോസ്റ്റിലൂടെ ഇവർ വ്യക്തമാക്കുന്നു.
ഈ തീരുമാനത്തോട് നന്ദി പറയാതെ ഒരു ദിവസം പോലും കടന്നു പോയിട്ടില്ലെന്ന് പറഞ്ഞുകൊണ്ടാണ് ഷാശ്വതി പോസ്റ്റ് അവസാനിപ്പിക്കുന്നത്.
woman celebrates four years of divorce