മോഡലായി വൈറലായ മുത്തശ്ശിയുടെ ജീവിതം ഷെഡില്‍; വീട് നല്‍കുമെന്ന് ബോബി

boby-pappy-help
SHARE

സുരക്ഷിതമായി അന്തിയുറങ്ങാൻ ഒരു വീട് വേണം. അതായിരുന്നു 98 കാരി പാപ്പിയമ്മയുടെ ഏക മോഹം. ഒരു  വർഷത്തിലേറെയായി കഴിയുന്നത് ഒരു ഷെഡിൽ. ദിവസങ്ങൾക്ക് മുൻപ് മോഡലായി എത്തി കേരളത്തിന്റെ മനസ് കവർന്നു ഈ മുത്തശി. പാപ്പിയമ്മ സജീവ ചർച്ചയാകുമ്പോൾ അവരുടെ സ്വപ്നം സാക്ഷാത്കരിക്കാൻ എത്തിയിരിക്കുകയാണ് വ്യവസായി ബോബി ചെമ്മണ്ണൂർ.

പാപ്പിയമ്മയുടെ വീട്ടിലെത്തിയ അദ്ദേഹം പുതിയ വീട് വച്ചുനൽകാമെന്ന് ഉറപ്പുനല്‍കി. ഈ ഷെഡിന്റെ വാതിൽ ഒന്നുമാറ്റി തരാമോ എന്നാണ് പാപ്പിയമ്മ ബോബിയോട് ആദ്യം ചോദിച്ചത്. ഈ ഷെഡിന് പകരം പുതിയ വീട് തന്നെ ഇവിടെ നിർമിച്ചുനൽകുമെന്ന് മുത്തശിക്ക് ഉറപ്പുകൊടുത്തെന്നും ബോബി പറഞ്ഞു. സ്വന്തം ഭൂമിയിൽ ഷീറ്റുകൾ കൊണ്ട് മറച്ച ഷെഡിലാണ് ഈ 98കാരി ഇതുവരെ ജീവിച്ചത്.

നാടോടിപ്പെൺകുട്ടി ആസ്മാനെ മോഡലാക്കിയുള്ള ഫോട്ടോഷൂട്ടിനു ശേഷം വൈക്കത്തുകാരി 98 കാരി പാപ്പി അമ്മയെ മോഡലാക്കി ഫോട്ടോഗ്രഫർ മഹാദേവൻ തമ്പി ചിത്രമെടുത്തിരുന്നു.  പാപ്പി അമ്മയുടെ ഒരു ദിവസമാണ് ഫോട്ടോഷൂട്ടിലൂടെ ചിത്രീകരിച്ചത്. കൂലി പണിയെടുത്താണ് പാപ്പി അമ്മ വരുമാനം കണ്ടെത്തുന്നത്.

MORE IN SPOTLIGHT
SHOW MORE
Loading...
Loading...