ബൈക്ക് യാത്രക്കാരനെ ഇടിച്ച് തെറിപ്പിച്ച എസ്യുവി നിയന്ത്രണം വിട്ട് മറ്റ് നാല് വാഹനങ്ങളിൽ കൂടി ഇടിച്ചു. ഹൈദരാബാദിലാണ് സംഭവം. അപകടത്തിൽ ഒരാൾ മരിക്കുകയും നിരവധി പേർക്ക് പരുക്കേൽക്കുകയും ചെയ്തു.
ട്രാഫിക് സിഗ്നലിലേക്ക് പാഞ്ഞെത്തിയ എസ്യുവി ആദ്യം ബൈക്കിൽ ഇടിച്ചു. ബൈക്ക് യാത്രക്കാരൻ തെറിച്ചു വീഴുന്നത് കണ്ടയുടൻ സംഭവ സ്ഥലത്ത് നിന്ന് കടന്നുകളയാൻ ശ്രമിച്ചുവെങ്കിലും എസ്യുവി ഓട്ടോറിക്ഷയിലും കാറിലും ബസിലും ഇടിക്കുകയായിരുന്നു. കൂട്ടയിടി നടന്നതോടെ ഡ്രൈവർ വണ്ടിയിൽ നിന്ന് ഇറങ്ങിയോടി. ഇയാൾക്കെതിരെ കേസെടുത്തതായി പൊലീസ് അറിയിച്ചു.
