ആരാധകരുടെ പ്രിയതാരമാണ് ബോളിവുഡ് നടി ദീപിക പദുക്കോൺ. എന്നാൽ ദീപികയ്ക്കെതിരെ ഹാഷ്ടാഗുകൾ പ്രചരിക്കുകയാണ് സോഷ്യൽ മീഡിയിയൽ. ലൈംഗിക പീഡന ആരോപണം നേരിട്ട സംവിധായകൻ ലവ് രഞ്ജന്റെ പുതിയ ചിത്രത്തിൽ ദീപിക നായികയാകുന്നു എന്ന തരത്തിൽ അഭ്യൂഹങ്ങൾ പ്രചരിച്ചതാണ് പ്രതിഷേധത്തിന്റെ കാരണം.
ഭർത്താവും താരവുമായ രൺവീർ സിങ്ങിനൊപ്പം ദീപിക ലവ് രഞ്ജന്റെ വീട്ടിൽ സന്ദർശനം നടത്തി മണിക്കൂറുകൾക്കകമാണ് ആരാധകർ #NotMyDeepikaഎന്ന ഹാഷ്ടാഗുമായി, അതൃപ്തി രേഖപ്പെടുത്തി രംഗത്തെത്തിയത്. തങ്ങളുടെ അതൃപ്തി ആരാധകർ ട്വിറ്ററിലൂടെ താരത്തെ അറിയിച്ചു കൊണ്ടിരിക്കുന്നു.
ഇന്നലെ വൈകിട്ടാണ് രൺബീറും ദീപികയും ലവ് രഞ്ജന്റെ വീട്ടിലെത്തിയത്. അതോടെ ലവ് രഞ്ജൻ ചിത്രത്തിൽ ദീപിക വീണ്ടും അഭിനയിക്കുന്നു എന്ന ഊഹാപോഹങ്ങൾ ശക്തമായി. ലൈംഗിക ആരോപണ കേസിൽ പ്രതിയായ സംവിധായകനൊപ്പം തങ്ങളുടെ പ്രിയതാരം ജോലി ചെയ്യുന്നതിലുള്ള പ്രതിഷേധത്തിലാണ് താരത്തിന്റെ ആരാധകർ.
