സോഷ്യല് ചുവരുകളെ കീഴടക്കി മാന്കുട്ടിയെ പാലൂട്ടുന്ന സ്ത്രീയുടെ ഊഷ്മളചിത്രം. വർഷങ്ങൾക്കു മുൻപ് ഇന്റർനെറ്റില് പ്രത്യക്ഷപ്പെട്ട ചിത്രം ഇപ്പോൾ വീണ്ടും നവമാധ്യമങ്ങളിൽ വൈറലാകുകയാണ്.
ഇന്ത്യൻ ഫോറസ്റ്റ് സർവീസ് ഉദ്യോഗസ്ഥനായ പർവീൺ പാസ്വാൻ ആണ് ചിത്രം ട്വീറ്റ് ചെയ്തത്. ആ സ്നേഹത്തിനു പിന്നിലെ കാരണവും അദ്ദേഹം പറഞ്ഞു.
ജോധ്പൂരിലെ ബിഷ്ണോയ് കമ്മ്യൂണിറ്റിയിൽ പെട്ട സ്ത്രീയെ ആണ് ചിത്രത്തിൽ കാണുന്നത്. സ്വന്തം കുഞ്ഞിനെ എന്നപോലെയാണ് ഇവർ മാൻകുട്ടിയെ നെഞ്ചടക്കി ചേർത്തുപിടിച്ചിരിക്കുന്നത്. ഈ വിഭാഗത്തിൽ പെടുന്നവർക്ക് വളർത്തുമൃഗങ്ങൾ സ്വന്തം കുട്ടികളെപ്പോലെയാണെന്നും ആ സ്നേഹം അവരോട് ഉണ്ടെന്നും പർവീൺ പറയുന്നു. മനുഷ്യക്കുഞ്ഞുക്കളെപ്പോലെ തന്നെയാണ് ഇവർക്കീ മൃഗങ്ങളുമെന്നും പര്വീൺ ട്വീറ്റ് ചെയ്യുന്നു.