പ്രായം വെറും നമ്പറല്ലേ; മണലും മരപ്പൊടിയും വച്ച് ചിത്രം വരച്ച് വത്സല

oldlady19
SHARE

പ്രായത്തിന്റെ അവശതയെ തോൽപിച്ച് എഴുപത്തിയെട്ടാം വയസിൽ ചിത്രപ്രദർശനം . തൃശൂർ ലളിതകല അക്കാദമിയിൽ ഒറ്റപ്പാലം സ്വദേശിനി വത്സല നാരായണനാണ് ചിത്രപ്രദർശനം നടത്തുന്നത്. തിങ്കളാഴ്ച വരെയാണ് പ്രദർശനം . 

 ഭർത്താവിനൊപ്പം കൊൽക്കത്തയിൽ ജീവിച്ചപ്പോഴാണ് ചിത്രരചന ആരംഭിച്ചത്. അറുപതു വയസിന് ശേഷം ഒരു ഊർജമൊക്കെ കിട്ടിയെന്ന് വത്സല പറയുന്നു. പിന്നെ , മുടങ്ങാതെ ചിത്രങ്ങൾ വരച്ചു. കണ്ടവരെല്ലാം നല്ല അഭിപ്രായങ്ങൾ പറഞ്ഞപ്പോൾ വരയ്ക്കാനുള്ള ആത്മവിശ്വാസം വർധിച്ചു.

ചായങ്ങൾക്കു പുറമെ മണലും മരപ്പൊടിയും തുണി കഷ്ണങ്ങളും ഉപയോഗിച്ചാണ് ചിത്രങ്ങൾ വരച്ചത്. പല നിറത്തിലുള്ള തുണികൾ പൊട്ടിച്ചെടുത്ത് ചിത്രങ്ങൾക്ക് നിറം പകർന്നു. ഗ്ലാസ് പെയിന്റിങ്ങിലും ഒരു കൈ നോക്കി. വരച്ചവയിൽ മികച്ചതാണ് പ്രദർശനത്തിൽ ഉൾപ്പെടുത്തിയിരിക്കുന്നത്.

MORE IN SPOTLIGHT
SHOW MORE
Loading...
Loading...