ഗോസിപ്പുകളും അനാവശ്യ ചർച്ചകളും പരിഹാസ ശരങ്ങളും മാത്രമല്ല. നന്മയുള്ള ചില കാഴ്ചകളും സോഷ്യൽ മീഡിയയില്‍ ഇടംപിടിക്കാറുണ്ട്. അത്തരത്തിൽ സ്വാർത്ഥലാഭമില്ലാത്ത ഒരു സദ്പ്രവർത്തി കണ്ടാണ് ഇന്ന് സോഷ്യൽ മീഡിയ ഉറക്കമെഴുന്നേറ്റത്. സുൽത്താൻ ബത്തേരിയിൽ നിന്നുമാണ് ആ നന്മക്കാഴ്ച സോഷ്യൽ മീഡിയയിലേക്ക് എത്തിയിരിക്കുന്നത്.
ഗവൺമെന്റ് ആശുപത്രിക്ക് സമീപമുള്ള ഒരു വീടിനു മുന്നിൽ വഴിയാത്രക്കാർക്കും രോഗികൾക്കും ദാഹമകറ്റാൻ കുടിവെള്ളം ഒരുക്കിയിരിക്കുന്നു. വീടിനു സമീപത്തെ അത്തിമരത്തോട് ബന്ധിപ്പിച്ചാണ് ഈ കുടിവെള്ള ടാങ്ക് പ്രവർത്തിക്കുന്നത്. ചൂടുള്ള വെള്ളമാണ് വഴിയാത്രക്കാർക്കായി ഒരുക്കിയിരിക്കുന്നത്. വെള്ളം തീരുന്ന മുറയ്ക്ക് വീട്ടുകാർ തന്നെ നിറയ്ക്കുകയും ചെയ്യും. എന്തായാലും നന്മയിൽ പൊതിഞ്ഞ ഈ പ്രവൃത്തിയെ ഹൃദയം കൊണ്ട് ഏറ്റെടുത്തിരിക്കുകയാണ് സോഷ്യൽ മീഡിയ.
