സെൽഫ് ട്രോളടിച്ച് സോഷ്യൽ മീഡിയയുടെ താരമായി ഒരു വീട്ടമ്മ. ആറ്റുനോറ്റിരുന്ന് ആദ്യമായി ഒരു കേക്ക് ഉണ്ടാക്കിയതാണ് ഇൗ വീട്ടമ്മ. ഹൃദയത്തിന്റെ രൂപത്തിൽ മനോഹരമായി തന്നെ ആ പലഹാരം പിറവിയെടുത്തു. പക്ഷേ കഴിക്കാനെടുത്തപ്പോഴാണ് ട്വിസ്റ്റ്. കടിച്ചാലും ഇടിച്ചാലും മുറിച്ചാലും ഏൽക്കാത്ത കരിങ്കല്ല് രൂപത്തിലിരിക്കുകയാണ് ഈ വൈറൽ കേക്ക്.
സംഭവം കയ്യീന്നു പോയെന്നു മനസിലാക്കുമ്പോഴും അതിന്റെ പേരിൽ വലിയ ന്യായീകരണം നടത്താനൊന്നും നമ്മുടെ കഥാനായിക പോയില്ല. പറ്റിയ അബദ്ധം വളരെ സരസമായി സോഷ്യൽ മീഡിയക്കു മുന്നിലേക്ക് വച്ചു. എന്തായാലും സോഷ്യൽ മീഡിയയിലെ വെറൈറ്റി വിശേഷങ്ങളുടെ കൂട്ടത്തിലേക്കാണ് ഈ സെൽഫ് ട്രോളിന്റേയും പോക്ക്. സംഭവം വിശദീകരിക്കുമ്പോൾ വീട്ടമ്മയ്ക്കും വീട്ടിലുള്ളവർക്കും ചിരിയടക്കാനായില്ല. വിഡിയോ കാണാം.
