ഒറ്റനാള്‍ കൊണ്ട് കോടീശ്വരന്‍; ഒറ്റയടിക്ക് അടിച്ചത് 3 ലോട്ടറി; ഒന്നുമാത്രം 36 കോടി

lottery56
SHARE

ഒരു ലോട്ടറി അടിച്ചതിന്റെ സന്തോഷത്തിലെടുത്ത മറ്റു രണ്ടു ലോട്ടറികൾ കൂടി അടിച്ചാലോ? റോബർട്ട് സ്റ്റീവാർട്ട് എന്നായാളാണ് ആ വലിയ ഭാഗ്യവാൻ. അമേരിക്കയിലെ ന്യൂ ജഴ്സിയിലാണു ഈ അപൂർവ സംഭവം. 

ആഗസ്റ്റ് മാസത്തിലാണ് റോബർട്ട് സ്റ്റീവാർട്ടിന് അഞ്ചു മില്യൻ ഡോളർ ലോട്ടറിയടിച്ചത്. അതായത് ഇന്ത്യൻ രൂപയിൽ 36 കോടിയ്ക്കു മുകളിൽ വരുന്ന തുക. സ്ക്രാച്ച് കാർഡ് ലോട്ടറിയുടെ ജാക്പോട്ട് സമ്മാനമായിരുന്നു ഇത്. ജാക്പോട്ട് കിട്ടിയ സന്തോഷത്തിൽ കടയിലെത്തി വീണ്ടും രണ്ട് ലോട്ടറിയെടുത്തു സ്റ്റീവാർട്ട്. ഭാഗ്യം സ്റ്റീവാർട്ടിന് വിട്ടു പോയിരുന്നില്ല. ആ രണ്ടു ടിക്കറ്റിനും സമ്മാനമടിച്ചു. ഒന്നിന് 500 ഡോളറും മറ്റൊന്നിനു 100 ഡോളറും. രണ്ടാമതു കിട്ടിയ തുകകൾ ചെറുതാണെങ്കിലും തുടർച്ചയായി ഭാഗ്യം സ്റ്റീവാർട്ടിനെ തേടിയെത്തിയ വാർത്ത നാട്ടിൽ അദ്ഭുതമായി.

ആഗസ്റ്റ് രണ്ടാണ് റോബർട്ട് സ്റ്റീവാർട്ടിന്റെ ഭാഗ്യദിനം. പിന്നെയും രണ്ടു മാസം കഴിഞ്ഞ് ഇപ്പോഴാണ് വാർത്ത ന്യൂ ജഴ്സി ലോട്ടറി പുറത്തുവിട്ടത്. ഇതോടെയാണ് ഇദ്ദേഹത്തിന്റെ ഭാഗ്യം ലോകമറിഞ്ഞത്.

ഇതിനു മുൻപ് ഒരിക്കൽ 2500 ഡോളർ സ്റ്റീവാർട്ടിനു സമ്മാനമായി ലഭിച്ചിട്ടുണ്ട്. സമ്മാനമായി ലഭിച്ച തുക കൊണ്ട് തന്റെ കുടുംബാംഗങ്ങളെയും കൂട്ടുകാരെയും സഹായിക്കാനാണ് റോബർട്ടിന്റെ തീരുമാനം.

MORE IN SPOTLIGHT
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.