കാല്നൂറ്റാണ്ടിലേറെയായി കെനിയയില് സേവനം അനുഷ്ഠിക്കുന്ന മലയാളി വനിതകളെ ആദരിച്ച് മലയാളി കൂട്ടായ്മ. കെനിയയിലെ മലയാളി അസോസിയേഷന്റെ വാര്ഷികത്തോടനുബന്ധിച്ച് നിരവധി കലാപരിപാടികളും സംഘടിപ്പിച്ചു.
കെനിയയിലുള്ള മലയാളികളുള്പ്പെടെയുള്ളവരുടെ ജീവിതസാഹചര്യങ്ങള് മെച്ചപ്പെടുത്താന് കാര്യമായ ഇടപെടലുകള് നടത്തിയ പഞ്ചരത്നങ്ങള്ക്കായിരുന്നു ആദരം. രാധിക മുരളി , ഡോക്ടർ പദ്മ സതീഷ് , ഡോക്ടർ ആനി ജോർജ് , നീന റിബെരെ , മേരി സിറിയക് എന്നിവര് മലയാളികള്ക്ക് മാത്രമല്ല കെനിയക്കാര്ക്കും സുപരിചിതരാണ്.
കെനിയയിലെ ഇന്ത്യൻ ഹൈ കമ്മിഷണർ സുചിത്ര ദുരൈ ആയിരുന്നു മുഖ്യാതിഥി. മലയാളി അസോസിയേഷന്റെ നേതൃത്വത്തില് വിവിധ കലാപരിപാടികളും ചടങ്ങിന് നിറം പകര്ന്നു.