ഹെൽമറ്റില്ലേ? പിന്നാലെ ഓടിയെത്തി 'കാലൻ'; അമ്പരന്ന് യാത്രക്കാർ

bengaluru-yamaraja
SHARE

ബംഗളുരു നിരത്തുകളിൽ കഴിഞ്ഞ കുറെ ദിവസങ്ങളായി 'കാലൻ' ഇറങ്ങിയിട്ടുണ്ട്. അശ്രദ്ധമായി വാഹനമോടിക്കുന്നവരെയും ഹെൽമറ്റില്ലാത്തവരെയുമൊക്കെ കാലൻ പിന്നാലെയെത്തി ഉപദേശിക്കും. ‌ഗതാഗതനിയമങ്ങൾ പാലിക്കണമെന്നും അമിതവേഗത്തിൽ വാഹനമോടിക്കരുതെന്നും പറയും. 

ഈ കാലന്റെ പേര് വിരീഷ്. നാടക കലാകാരനാണ്.  വിരീഷിനെ ഇങ്ങനെ  വേഷം കെട്ടിച്ച് റോഡിലേക്കിറക്കി വിട്ടിരിക്കുന്നത് ട്രാഫിക് പൊലീസാണ്.

റോഡ് സുരക്ഷാമാസാചരണത്തിന്റെ ഭാഗമായാണ് ഈ കാലൻ ഷോ. സ്കൂളുകളും കോളജുകളും കേന്ദ്രീകരിച്ച് ബോധവത്ക്കരണപരിപാടികള്‍ നടത്തിവരുന്നുണ്ട്. തെരുവുനാടകങ്ങളും നടത്തുന്നുണ്ട്. അതിനിടെയാണ് കാലനെ റോഡിലിറക്കിയാലോ എന്ന ആലോചന നടക്കുന്നത്. ആളുകളെ നേരിട്ട് ബോധവത്ക്കരിക്കുക വഴി റോഡപകടങ്ങൾ കുറക്കുകയാണ് പൊലീസിന്റെ ലക്ഷ്യം. 

bengaluru-2

ഗതാഗതനിയമങ്ങൾ ലംഘിച്ചാൽ കാലൻ നിങ്ങളുടെ വീട്ടിലെത്തും എന്ന സന്ദേശമാണ് ഇതിലൂടെ ട്രാഫിക് പൊലീസ് നൽകാനുദ്ദേശിക്കുന്നത്. ഉപദേശത്തിന് നിന്നുതരാത്തവരെ ഗദ വീശി കാലൻ പേടിപ്പിക്കും. 

ഈ വർഷം ജൂൺ വരെ 2,336 അപകടങ്ങളാണ് ബംഗളുരുവിൽ റിപ്പോർട്ട് ചെയ്യപ്പെട്ടത്. 

MORE IN SPOTLIGHT
SHOW MORE