ലോകത്തെ ഭീതിപ്പെടുത്തുന്ന ബ്ലുവെയ്ൽ ഗെയിം ശരിക്കും ഒരു ഗെയിമല്ലെന്നാണ് സാങ്കേതിക വിദഗ്ധർ പറയുന്നത്. ശരിക്കും ഡൗൺലോഡ് ചെയ്ത് കളിക്കുന്ന ഗെയിമോ, പ്ലേ സ്റ്റോർ, ഐസ്റ്റോർ പോലുള്ള ഇടങ്ങളിൽ നിന്ന് ലഭിക്കുന്ന ആപ്പോ അല്ല. മറിച്ച് ചാറ്റ്, ഫോറങ്ങൾ, സോഷ്യൽമീഡിയ വഴിയാണ് ഈ കില്ലർ മിഷൻ വ്യാപിക്കുന്നതും കണ്ടെത്തുന്നതും.
ബ്ലൂവെയ്ൽ ഗെയിമിനെക്കുറിച്ച് നിങ്ങൾ അറിയാൻ സാധ്യതയില്ലാത്ത കാര്യങ്ങൾ
1. നിങ്ങളുടെ മൊബൈലിലേക്കോ കംപ്യൂട്ടർലേയ്ക്കോ ഡൗൺലോഡ് ചെയുന്ന തരം ഒരു ഗെയിം/അപ്ലിക്കേഷൻ/സോഫ്റ്റ്വെയർ അല്ല ബ്ലൂവെയ്ൽ. മറിച്ച് നവ മാധ്യമങ്ങളിലൂടെ നിങ്ങളിലേക്കെത്തുന്ന ഒരു പ്ലാൻ ആണ്. ആ പ്ലാൻ അനുസരിച്ചു നിങ്ങളെ പ്രവർത്തിപ്പിക്കുകയാണ് ലക്ഷ്യം.
2. ബ്ലൂവെയ്ൽ കളിക്കുന്നത് വഴി നിങ്ങളെ കൂടുതൽ അറിയുന്ന വെയ്ൽ അഥവാ അഡ്മിനിസ്ട്രേറ്റർ നിങ്ങൾ അറിഞ്ഞും അറിയാതെയും നിങ്ങളുടെ വ്യക്തിപരമായ രേഖകൾ കൈക്കലാക്കുന്നു. ഉദാഹരണത്തിന് നിങ്ങളുടെ ഫോണിലെ ചിത്രങ്ങൾ, വിഡിയോകൾ, മറ്റു സന്ദേശങ്ങൾ എന്നിവ. ഇതു ഉപയോഗിച്ച് ഇരയെ മാനസികമായി പീഡിപ്പിക്കാനും ഗെയിമിൽ നിലനിർത്താനും അവർക്ക് കഴിയുന്നു.
3. ബ്ലൂവെയ്ൽ - ആരംഭം റഷ്യയിലെ സാമൂഹ്യ മാധ്യമങ്ങളിലെ (പേര് പരാമർശിക്കുന്നില്ല) രഹസ്യ ഗ്രൂപ്പുകളിൽ നിന്നുമാണ്.
4. 50 ഓളം വരുന്ന ചെറു ടാസ്കുകളിലൂടെ ഇര മരണഭയം ഇല്ലാതാകുകയും ഒടുവിലെ ടാസ്കിൽ അവർ സ്വയം മരണത്തിനു കീഴ്പ്പെടുകയും ചെയ്യുന്നു.
5. ക്യുറേറ്റർ/വെയ്ൽ ഇരയുടെ മരണ തീയതി മുൻകൂട്ടി അറിയിക്കും, അത് ഇര അനുസരിക്കുകയും ചെയ്യും.
6. തെളിവുകൾ ഒന്നും അവശേഷിപ്പിക്കാതെയാണ് ബ്ലുവെയ്ൽ സഞ്ചരിക്കുന്നത്, മരണപ്പെട്ട കുട്ടികൾ 'ബ്ലുവെയ്ൽ' ഇരകൾ ആണെന്ന് സ്ഥാപിക്കാൻ തെളിവുകൾ ബാക്കി വയ്ക്കാറില്ല. അവിടെയാണ് ക്യുറേറ്ററിന്റെ മറ്റൊരു ചതി ഒളിഞ്ഞിരിക്കുന്നത്.
7 . ഫേസ്ബുക്ക്, വാട്സാപ്പ്, ഗൂഗിൽ എന്നിവയ്ക്കപ്പുറമാണ് ഇന്റർനെറ്റ് എന്ന ലോകം. അവിടെയെത്തി ഇത്തരം മാരക ഗെയിംസിനെ നശിപ്പിക്കുക എന്നത് അസാധ്യമായി തുടരുന്നു.
8. ബ്ലുവെയ്ൽ ഏറ്റവും അധികം ടാർഗറ്റ് ചെയുന്നത് ആൺകുട്ടികളെ ആണ്.
9. ഗെയിമിന്റെ ഒരു ഘട്ടത്തിൽ കൂടെ ഉള്ളവരെയും ഗെയിമിലേക്ക് കൊണ്ടുവരാൻ ആവശ്യപെടുന്നു..! അവരാണ് പുതിയ ഇര.
തയാറാക്കിയത്
അജയ് എസ് നായർ
ഫ്രഷ് മൈൻഡ് ഐഡിയാസ്