കഷ്ടപ്പെട്ട് ഇനി ഗുളികകൾ വിഴുങ്ങേണ്ട. നാവിൽ അലിഞ്ഞുചേരുന്ന ഫിലിം രൂപത്തിലുള്ള ഗുളികകൾ വിപണിയിൽ എത്തി. 16 ഇനം മരുന്നുകളാണ് ഇന്ത്യയിൽ ഫിലിം രൂപത്തിലേക്കു മാറിയിരിക്കുന്നത്. മറ്റു മരുന്നുകളും താമസിയാതെ ഈ രൂപത്തിലാക്കുമെന്നു മരുന്നു കമ്പനികൾ അറിയിച്ചു.
വിദേശ രാജ്യങ്ങളിൽ സർവസാധാരണമായ ഓറലി ഡിസോൾവിങ് ടാബ്‌ലറ്റുകൾ കേരളത്തിലും ലഭ്യമാണ്. പ്രായമായവർക്കും മരുന്നിനോട് ഇഷ്ടമില്ലാത്തവർക്കും മിഠായി പോലെ ഗുളികകൾ കഴിക്കാം. ഉമിനീരിൽ അലിഞ്ഞു രക്തക്കുഴലിലേക്കു കടക്കും എന്നതിനാൽ വേഗം ഫലം ലഭിക്കും.
×