ആര്ട്ടികിനോട് ചേര്ന്നുള്ള പ്രദേശത്തു നിന്നും 900 വര്ഷത്തോളം പഴക്കമുള്ള യുവതിയുടെ മമ്മി ലഭിച്ചു. ശരീരത്തിന്റെ മറ്റു ഭാഗങ്ങള് കാലാന്തരത്തില് അഴുകിയെങ്കിലും മുഖത്തിന് കാര്യമായ ക്ഷതം സംഭവിച്ചിട്ടില്ല. സംസ്ക്കാര സമയത്ത് മുഖത്ത് വെച്ച ചെമ്പ് തകിടും രോമ കുപ്പായവുമാണ് 'ധ്രുവപ്രദേശത്തെ രാജകുമാരി'യുടെ മുടിയും പല്ലും മുഖത്തിന്റെ ആകൃതിയും കണ്പീലിയും വരെ ഇത്രയും കാലം സംരക്ഷിച്ചത്.
35 വയസ് കണക്കാക്കുന്ന യുവതിയുടെ മൃതദേഹം മൂന്ന് ഡസനോളം പുരുഷന്മാരുടെ ശവശരീരങ്ങള്ക്കൊപ്പമാണ് സംസ്ക്കരിച്ചിരിക്കുന്നത്. തികച്ചും യാദൃശ്ചികമായി പ്രകൃതി തന്നെയാണ് 'ധ്രുവപ്രദേശത്തെ രാജകുമാരി' എന്ന് ഗവേഷകര് പേരിട്ട യുവതിയുടെ ശരീരത്തെ നൂറ്റാണ്ടുകളോളം സംരക്ഷിച്ചത്. ധ്രുവപ്രദേശത്തോട് ചേര്ന്ന് വേട്ടയും മീന് പിടുത്തവും ഉപജീവനമാര്ഗ്ഗമായ കഴിഞ്ഞിരുന്ന ഒരു ഗോത്രത്തിലെ അംഗമായിരുന്നു ഈ യുവതിയെന്നാണ് കരുതപ്പെടുന്നത്.