വാഹനം ഓടിക്കുമ്പോൾ ശ്രദ്ധ പൂർണ്ണമായും റോഡിലായിരിക്കണം. ശ്രദ്ധ മരിക്കുന്നിടത്ത് അപകടം ജനിക്കുന്നു എന്നാണ് പറയാറ്. റോഡ് സൈഡുകളിൽ നടക്കുന്ന കാര്യങ്ങളിലൊന്നും ശ്രദ്ധിക്കാതെ വാഹനമോടിക്കുന്നവനായിരിക്കണം മികച്ച ഡ്രൈവർ. എന്നാൽ ചിലപ്പോൾ ചെറിയൊരു അശ്രദ്ധ മതി വലിയ അപകടമുണ്ടാകാൻ. അത്തരത്തിലൊരു അപകടത്തിന്റെ വിഡിയോയാണിപ്പോള് സമൂഹ മാധ്യമങ്ങളിൽ വൈറൽ.
യുക്രേനിലെ ഒരു ചെറുപട്ടണത്തിലാണ് അപടകം നടന്നത്. റോഡ് സൈഡിൽ ഡാൻസ് ചെയ്തുകൊണ്ടിരുന്ന സുന്ദരിയെ നോക്കിയതാണ് സൂപ്പർ ബൈക്കും കാറും കൂട്ടിയിടിച്ച് അപകടമുണ്ടായതിന്റെ പ്രധാന കാരണം. കാറിന്റെ ഡ്രൈവറുടെ ശ്രദ്ധ റോഡിലെ ഡാൻസിലായിരുന്നു. അപകടത്തിന്റെ ആഘാതത്തിൽ ബൈക്ക് റൈഡർ തെറിച്ചു റോഡിൽ വീഴുന്നതും വിഡിയോയിലുണ്ട്.